مقبوضہ کشمیر کے علاقے پہلگام میں حالیہ واقعے کے بعد بھارتی فورسز نے نہتے کشمیری نوجوانوں کی بڑے پیمانے پر گرفتاریاں اور گھروں کو مسمار کرنے کا سلسلہ دوبارہ شروع کر دیا ہے۔
اس صورتحال کے خلاف آزاد کشمیر میں عوامی سطح پر شدید غم و غصے اور احتجاج کا اظہار کیا جا رہا ہے۔ اسی سلسلے میں وفاقی وزیر امور کشمیر و گلگت بلتستان انجینئر امیر مقام نے مظفرآباد کا دورہ کیا اور یکجہتی جلسے سے خطاب کیا۔
وفاقی وزیر نے کہا کہ وہ وزیراعظم شہباز شریف اور پوری وفاقی حکومت کی نمائندگی کرتے ہوئے کشمیری عوام کے ساتھ مکمل یکجہتی کے اظہار کے لیے بہ نفسِ نفیس یہاں موجود ہیں۔
انہوں نے اعلان کیا کہ مظفرآباد کے بعد وہ وادی نیلم کا دورہ کریں گے تاکہ وہاں کے عوام کو بھی یہ یقین دہانی کرائی جا سکے کہ پاکستان کے 25 کروڑ عوام ان کے ساتھ کھڑے ہیں۔
مزید جانتے ہیں نمائندہ وی نیوز ثاقب علی سے
