امریکا نے پاکستان میں مقیم امریکی شہریوں کے لیے سفری الرٹ جاری کردیا ہے۔
امریکی سفارت خانہ کی طرف سے جاری کردہ سفری الرٹ میں کہا گیا ہے کہ پاک بھارت کشیدگی تاحال جاری ہے اور صورتحال مسلسل بدل رہی ہے۔
ہم تمام تر معاملے پر گہری نظر رکھے ہوئے ہیں۔
اسلام اباد میں امریکی سفارتخانہ کراچی لاہور اور پشاور میں قونصل خانے مکمل فعال ہیں۔
سفری الرٹ میں امریکی شہریوں کو لائن اف کنٹرول اور قریبی علاقوں میں جانے سے گریز کی ہدایت کی گئی ہے۔
امریکی شہری اگر کسی تنازع والے علاقے میں ہیں تو فوراً وہاں سے محفوظ مقامات پر جائیں۔
اگر امریکی شہری تنازع والے علاقے سے نکل نہیں سکتے تو وہیں محفوظ پناہ لیں۔
پاکستان کے اندر اور باہر پروازوں کی صورتحال تاحال مخدوش ہے۔
آج صبح پاکستان ائیرپورٹ اتھارٹی نے کراچی لاہور اور سیالکوٹ میں فلائٹ آپریشن عارضی معطل کی ہے۔
