نیشنل سائبر کرائمز انوسٹیگیشن ایجنسی (این سی سی اے) نے ریاستی اداروں کے خلاف غلط معلومات، پروپیگنڈا اور ملک میں خوف پھیلانے کے الزام میں ملزم کو گرفتار کرکے مقدمہ درج کرلیا ہے۔
تفصیلات کے مطابق ملزم محمد ناظر احمد کا تعلق تحصیل دینہ، ضلع جہلم سے ہے، جس پر پیکا قانون کے 261-اے کے تحت مقدمہ درج کیا گیا ہے۔
یہ بھی پڑھیے: اداروں اور ریاست کے خلاف پروپیگنڈا، گلوکار سلمان احمد پر پیکا ایکٹ کے تحت مقدمہ درج
ایف آئی آر کے مطابق ملزم نے حالیہ پاک بھارت کشیدگی کے دوران جان بوجھ کر مسلح افواج اور ریاستی اداروں کے سربراہان کے خلاف غلط معلومات فیسبک پر شیئر کیںم جس کا مقصد ملک میں افراتفری، خوف، لاقانونیت اور بے چینی پھیلانا تھا۔
