قومی کرکٹ ٹیم کے سابق کپتان شاہد آفریدی کی ایک ویڈیو سوشل میڈیا پر وائرل ہو رہی ہے جس میں انہوں نے آرمی چیف جنرل عاصم منیر کو بوسہ دینے پر تنقید کرنے والوں کو جواب دیا ہے۔
نجی ٹی وی کے پروگرام میں بات کرتے ہوئے شاہد آفریدی کا کہنا تھا کہ ’میں نے آرمی چیف کو بوسہ دیا، ان سے پیار کا اظہار کیا ہے نہ صرف اپنی طرف سے بلکہ پوری قوم کی طرف سے پیار دکھایا ہے اور ان کو بتایا کہ ہم سب آپ کے ساتھ ہیں۔
انہوں نے مزید کہا کہ پالتو کتے بھونک رہے ہوں تو عقلمندی یہی ہے کہ آپ سیدے چلتے رہیں ان کتوں کو اگنور کریں اور انہیں بھونکنے دیں، انہوں نے کہا کہ مجھے اس کی پرواہ نہیں ہے۔ میرے لیے یہ ملک سب کچھ ہے اور اس ملک کے لیے میں اور میرا خاندان آخری حد تک کھڑا رہوں گا۔ جس نے جو بات کرنی ہے وہ کرے، میرے لیے یہ ملک ہی سب کچھ ہے۔
پالتو کتے بھونکتے ہیں سب کو جواب نہیں دینا چاہتا۔ شاہد آفریدی pic.twitter.com/IP4heH4xSd
— ٰImran Siddique (@imransiddique89) May 19, 2025
قومی کرکٹ ٹیم کے سابق کپتان شاہد آفریدی پاک بھارت کشیدگی کے بعد سے پاک فوج کے حق میں بیانات دیتے اور اظہار یکجہتی کے لیے کبھی لائن آف کنڑول اور کبھی واہگہ بارڈر پر پاک فوج کے جوانوں کے ساتھ نظر آتے رہے ہیں۔ شاہد آفریدی نے گزشتہ دنوں پاک افواج سے اظہار یکجہتی کے لیے لائن آف کنٹرول لیپا ویلی کا دورہ کیا تھا اور یادگارہ شہدا پر حاضری دی تھی۔ جس پر کئی صارفین جہاں ان کے حق میں بیانات دیتے نظرآئے وہیں ان کو تنقید کا نشانہ بھی بنایا۔
ایک صارف نے ان کا موازنہ وہاب ریاض سے کیا جو لاہور میں ہونے والی موسلا دھار بارش کے بعد گاڑی چلاتے ہوئے سڑک پر چلنے والے موٹرسائیکل سواروں پر پانی اچھالتے اور پھر لانگ بوٹ پہنے برساتی پانی میں ادھر ادھر جاتے دکھائی دیے تھے۔
انہوں نے لکھا کہ وہاب ریاض کی سڑک پر کھڑے پانی میں واک کرنے والی ویڈیوز پیچھے رہ گئیں۔ ’زیرو پر پکوڑے‘۔
وہاب ریاض کی سڑک پر کھڑے پانی میں واک کرنے والی ویڈیوز پیچھے رھ گئیں
“زیرو پر پکوڑے” pic.twitter.com/hgQqWZDczD— Imran Afzal Raja (@ImranARaja1) May 19, 2025
شاہد آفریدی کا میڈیا سے گفتگو میں کہنا تھا کہ کراچی سے پاکستانی عوام اوراپنی فیملی کی جانب سے لیپا کے لوگوں کا شکریہ ادا کرنے آیا ہوں، اگر انڈیا نے دوبارہ سے جارحیت کی کوشش کی تو اسی طرح بھرپورجواب دیا جائے گا۔
