پاکستان پر پہلگام حملے میں ملوث ہونے کا الزام ثابت نہ کرنے کے بعد مودی سرکار نے روہنگیا مسلم پناہ گزینوں پر دہشت گردی کا الزام عائد کرتے ہوئے بے گناہ روہنگیا مسلمانوں کو ہراساں کرنے کا سلسلہ جاری ہے۔
روہنگیا مسلمانوں کو مودی سرکار کے نشانے پر رکھ لیا ہے، پاکستان سے کشیدگی میں ناکامی کا منہ دیکھنے کے بعد مودی سرکار کا جنگی جنون ایک مرتبہ پھر سر اٹھانے لگا، مقبوضہ کشمیر کے سیاحتی مقام پہلگام میں فالس فلیگ آپریشن کے تحت سیاحوں پر حملے کی آڑ میں بھارت میں مقیم روہنگیا پناہ گزینوں کی گرفتاری کا سلسلہ شروع کردیا گیا ہے۔
بھارتی حکومت نے روہنگیا پناہ گزینوں کو گرفتار کر کے انہیں غیر قانونی طور پر ملک بدر کرنے کے احکامات جاری کردیے ہیں، جو بین الاقوامی انسانی حقوق کے قوانین کی کھلی خلاف ورزی ہیں، عالمی برادری کی جانب سے مودی سرکار کی رجسٹرڈ پناہ گزینوں کی ملک بدری کے احکامات کو سخت تنقید کا سامناہے۔
میڈیا رپورٹس کے مطابق مودی سرکار کی جانب سے روہنگیا مسلمانوں کو ’مسلم دشمنی‘ کی بنیاد پر نشانہ بنایا جا رہا ہے، پہلگام حملے کا الزام عائد کرکے روہنگیا کے مسلمانوں پر ظلم ڈھانا مودی سرکار کے انتہا پسند ہونے کا واضح ثبوت ہے۔
