’چہرے پر تھوک لگانے سے دانے ختم ہوگئے‘، فضا علی کے بیان پر صارفین کی تنقید

اداکارہ و ٹی وی میزبان فضا علی جو اکثر اپنے بیانات کی وجہ سے تنقید کی زد میں رہتی ہیں ان کی ایک ویڈیو سوشل میڈیا پر وائرل ہو رہی ہے جس میں ان کا کہنا تھا کہ وہ چہرے پر نکلنے والے دانوں پر اپنا تھوک لگاتی تھیں جس سے ان کا چہرہ ٹھیک ہو گیا۔

فضا علی نے ایک پروگرام کے دوران کہا کہ ’جب میں میٹرک کیا تو میرے چہرے پر بہت زیادہ دانے ہو گئے تھے جس پر میری والدہ نے کہا کہ صبح اٹھتے ہی نہار منہ اپنے ہاتھ پر تھوک پھینکو اور اسے چہرے کے دانوں پر لگا لو۔ اداکارہ نے کہا کہ میں روزانہ صبح اٹھ کر تھوک چہرے پر لگا لیتی تھی اور اس سے میرے چہرے سے دانے غائب ہو گئے‘۔

فضا علی نے ناظرین کو کہا کہ آپ بھی اس ٹوٹکے کو آزما کر دیکھیے گا جس پر صارفین نے ان پر خوب تنقید کی۔ ایک صارف نے ویڈیو شیئر کرتے ہوئے لکھا کہ تھوک کر چاٹنا تو سنا تھا لیکن یہ کیا ہے۔

تھوک کر چاٹنا تو سنا تھا بھئی یہ کیا ہے۔ ۔ pic.twitter.com/1Kf6YkqrRj

— K A M I (@K4mi_i) June 11, 2025

ایک صارف نے لکھا کہ ہندو صبح اٹھ کر گائے یا اپنا پیشاب پیتے ہیں اور فضا علی اپنے چہرے پر تھوک لگاتی ہیں۔

پڑوسی ملک کے ہندو صبح اٹھکر گائے یا اپنا پیشاب پیتے ہیں😜

قوم یوتھ صبح اٹھکر اپنے چہرے پر تھوک لگاتی ہے😭#PTI https://t.co/gIXCOvBCkW

— General Hafiz Quran GHQ (@gabbar_ghq) June 12, 2025

جہاں کئی صارفین فضا علی کو تنقید کا نشانہ بنا رہے تھے وہیں چند صارفین نے ان سے اتفاق کیا۔ سیما فراز لکھتی ہیں کہ اس ٹوٹکے نے میرے چہرے پر بھی کام کیا، اس ٹوٹکے کا ہمارے خاندان کے ایک بزرگ نے بتایا تھا اور یہ جادو ہے۔

Actually it worked for me too. I was told about it by an elderly in our family. And its magic.

And no i am not youthia https://t.co/dU9Sw6kkPL

— Seema Faraz سیما فراز (@SeemaFaraz) June 11, 2025

عامر شبیر نے لکھا کہ فضا علی بالکل ٹھیک کہہ رہی ہیں تھوک کسی بھی زخم اور دانوں کے لیے بہت اچھا ہے۔