وزیراعلیٰ پنجاب مریم نواز شریف نے طبیعت خرابی کے باعث لاہور کے میو اسپتال میں چیک اپ کرایا ہے، جہاں ان کے تمام ٹیسٹ نارمل آئے ہیں۔
وزیراعلیٰ مریم نواز شریف میو اسپتال پہنچیں، جہاں انہوں نے چیک اپ کے لیے پرچی بنوائی۔ اس کے بعد ان کی ایم آر آئی کی گئی۔
ذرائع کے مطابق وزیراعلیٰ پنجاب مریم نواز کے کندھے میں تکلیف پر انہیں اسپتال لایا گیا، انہوں نے اصرار کیاکہ میو اسپتال میں ہی چیک اپ کرائیں گی۔ اس موقع پر سینیئر صوبائی وزیر مریم اورنگزیب بھی وزیراعلیٰ کے ہمراہ تھیں۔
ذرائع کے مطابق ڈاکٹرز نے کندھے کی شدید تکلیف پر وزیراعلیٰ کو انجکشن لگائے اور ادویات تجویز کیں۔ جس کے بعد وہ روانہ ہوگئیں۔
