نائب وزیراعظم و وزیر خارجہ اسحاق ڈار شنگھائی تعاون تنظیم (ایس سی او) وزرائے خارجہ کونسل کے اجلاس میں شرکت کے لیے چین پہنچ گئے ہیں۔
یہ بھی پڑھیں: اقوام متحدہ کے سیکریٹری جنرل کا اسحاق ڈار سے رابطہ، عالمی تنازعات کے حل پر تبادلہ خیال
ترجمان دفتر خارجہ کے مطابق نائب وزیراعظم و وزیرخارجہ اسحاق ڈار چین میں شیڈول سنگھائی تعاون تنظیم کے وزرائے خارجہ کانفنرس میں شرکت کریں گے، اسحاق ڈار اجلاس میں شرکت کے لیے بیجنگ پہنچ گئے ہیں۔
Deputy Prime Minister / Foreign Minister, Senator Mohammad Ishaq Dar @MIshaqDar50, arrived in Beijing, China, tonight.
He was received at the airport by Ambassador Ms Yu Hong, Department of Asian Affairs, Ministry of Foreign Affairs of People’s Republic of China and Pakistan’s… pic.twitter.com/zu8m93153N
— Ministry of Foreign Affairs – Pakistan (@ForeignOfficePk) July 14, 2025
بیجنگ ایئرپورٹ پر ان کا استقبال چین کی وزارت خارجہ کے محکمہ برائے ایشیائی امور کی نمائندہ یو ہونگ، پاکستان میں تعینات چینی سفیر خلیل الرحمان ہاشمی اور چین کی وزارت خارجہ کے دیگر اعلیٰ حکام نے کیا۔
اپنے سرکاری دورے کے دوران نائب وزیراعظم و وزیر خارجہ کل تیانجن میں شنگھائی تعاون تنظیم (SCO) کے وزرائے خارجہ کی کونسل کے اجلاس میں پاکستانی وفد کی قیادت کریں گے۔
یہ بھی پڑھیں: نائب وزیراعظم اسحاق ڈار سے ترک وزیرخارجہ کی ملاقات، باہمی دلچسپی کے امور پر تبادلہ خیال
اسحاق ڈار ایس سی او کے دیگر وزرائے خارجہ کے ہمراہ چین کے صدر سے ملاقات بھی کریں گے اور رکن ممالک کے وزرائے خارجہ سے دوطرفہ ملاقاتیں کریں گے۔
