بھارتی قومی سلامتی کے مشیر اجیت دوول نے ’آپریشن سندور‘ کے حوالے سے آئی آئی ٹی مدراس میں خطاب کے دوران یہ دعویٰ کیا کہ جنگ میں بھارت کو کوئی نقصان نہیں ہوا۔ انہوں نے کہا کہ آپ مجھے ایک بھی تصویر یا ثبوت دکھائیں جس سے ثابت ہو کہ کسی بھارتی عمارت کو نقصان پہنچا ہو۔
تاہم ان کا یہ بیان بھارتی فوجی قیادت کے اپنے اعترافات سے متصادم ہے۔ ایئر مارشل اے کے بھارتی، جنرل انیل چوہان، نیوی کیپٹن شیو کمار اور لیفٹیننٹ جنرل راہول سنگھ جیسے اعلیٰ افسران پہلے ہی بھارتی فضائی اڈوں، طیاروں اور افرادی قوت کو پہنچنے والے نقصانات کا اعتراف کر چکے ہیں۔
مزید پڑھیں: بھارتی مشیر برائے قومی سلامتی اجیت دوول اور ایئر چیف کے مابین ناخوشگوار جملوں کا تبادلہ
پاکستانی افواج کی جانب سے آپریشن ’بنیان مرصوص‘ کے دوران بھارتی تنصیبات کو کامیابی سے نشانہ بنایا گیا، جس سے دفاعی برتری بھی ثابت ہوئی۔ دوول کا بیان بی جے پی کی اس جنگجویانہ سوچ کا عکاس ہے جو سیاسی مفادات کے لیے خطے کے امن کو داؤ پر لگانا چاہتی ہے۔
دفاعی ماہرین کے مطابق، بھارت کی موجودہ قیادت جنگی بیانیے کے ذریعے اپنی نااہلی اور اندرونی کمزوریوں پر پردہ ڈالنے کی کوشش کر رہی ہے۔
