وزیر اعلیٰ پنجاب مریم نواز کے ویژن ستھرا پنجاب پر عملدرآمد یقینی بنانے کے لیے ایل ڈبلیو ایم سی کی آپریشن ٹیمیں فیلڈ میں متحرک ہیں۔ ان میں سے ایک شخص کی ویڈیو سوشل میڈیا پر وائرل ہو رہی ہے جو ایک گلی کی صفائی کرتا ہوا نظر آ رہا ہے۔ اتنے میں دو نوجوان آ کر اس کے سر سے ٹوپی اتارتے ہیں اور اسے لاتوں سے مارتے ہیں اس کے بعد اس کے ہاتھ سے جھاڑو پکڑ کر دور پھینک دیتے ہیں۔
یہ ویڈیو سوشل میڈیا پر وائرل ہوئی تو صارفین کی جانب سے اس پر مختلف تبصرے کیے گئے اور نوجوانوں کو تنقید کا نشانہ بناتے ہوئے وزیراعلیٰ پنجاب مریم نواز سے انہیں سخت سزا دینے کا مطالبہ بھی کیا گیا۔
ایک صارف کا کہنا تھا کہ ان لڑکوں کا سافٹ ویئر کرپٹ ہو چکا ہے فوری اپڈیٹ کیا جائے۔
ان لونڈے لپاڑوں کا سافٹ ویئر کرپٹ ہو چکا ہے فوری اپڈیٹ کیا جائے۔@MaryamNSharif @OfficialDPRPP pic.twitter.com/6eh8Zm6L47
— Shah Owais Noorani (@iamowaisnoorani) July 29, 2025
ثمینہ حفیظ ملک نے مریم نواز کو مخاطب کرتے ہوئے لکھا کہ وزیراعلی پنجاب صاحبہ یہ دیکھیں یہ عناصر آپ کی ستھرا پنجاب کے مجاہد جوانوں کی تذلیل کی جا رہی ہے ان پر فوری ایکشن لیا جائے۔
وزیراعلی پنجاب مریم نواز صاحبہ
یہ دیکھیں بیغیرت عناصر آپکی ستھرا پنجاب کے مجاہد جوانوں کی تذلیل کی جا رہی ہے
ان پر فوری ایکشن لیا جائے @MaryamNSharif @AzmaBokhariPMLN @ZeshanMalick pic.twitter.com/33oZppadCR— Samina Hafeez Malik (@SaminaHMalik) July 29, 2025
ایک ایکس صارف کا ویڈیو پر تبصرہ کرتے ہوئے کہنا تھا کہ یہ لوگ گندگی کے علمبردار ہیں۔
یہ گندگی کے علمبردار ہیں
— Riaz Hussain (@riaztalagang) July 29, 2025
الیاس لکھتے ہیں کہ اپنا فرض ادا کر کے رزق حلال کمانے والے کی اس طرح تضحیک کرنا ناقابل معافی جرم ہے۔ ان نوجوانوں کو سخت سے سخت سزا دی جائے۔
اپنا فرض ادا کر کے رزق حلال کمانے والے کی اس طرح تضحیک کرنا ناقابل معافی جرم ہے۔ ان لعنتیوں کو سخت سے سخت سزا دی جائے۔
— ilyas (@milyas68) July 29, 2025
ایک صارف کا کہنا تھا کہ ان کو گرفتار کیا جائے اور ایک ہفتہ پورے محلے کی صفائی ان سے کروائی جائے۔
انکو گرفتار کیا جائے اور ایک ہفتہ پورے محلے کی صفائی ان سے کروائی جائے۔
۔
۔@MaryamNSharif
آپکے بہترین عوامی کاموں میں رکاوٹ بننے والے کسی بھی فرد کو نہ بخشا جائے۔— نقار خانے میں (@MuhammedInaam) July 29, 2025
