لندن ایئرپورٹ سے بیگ چوری ہو گیا، اروشی روٹیلا کا دعویٰ

جمعہ 1 اگست 2025
icon-facebook icon-twitter icon-whatsapp

بالی ووڈ اداکارہ اروشی روٹیلا نے دعویٰ کیا ہے کہ ان کا قیمتی زیورات سے بھرا ہوا بیگ لندن کے گیٹوک ایئرپورٹ سے چوری ہو گیا ہے۔

اداکارہ نے فوٹو اینڈ ویڈیو شیئرنگ ایپ انسٹاگرام پر ایک اسٹوری اپڈیٹ کرتے ہوئے بتایا کہ وہ وِمبلڈن ٹینس ٹورنامنٹ میں شرکت کے لیے لندن گئی تھیں، اور واپسی پر ان کا بیگ ائیر پورٹ سے غائب ہو گیا۔

 

View this post on Instagram

 

A post shared by URVASHI RAUTELA (@urvashirautela)

اروشی نے ایئرپورٹ کی سیکیورٹی پر سوال اٹھاتے ہوئے کہا کہ اتنے سخت حفاظتی انتظامات کے باوجود بیگ کی چوری کیسے ممکن ہوئی۔ ساتھ ہی انہوں نے بیگ اور ٹکٹ کی تفصیلات جاری کرتے ہوئے متعلقہ حکام سے فوری مدد کی اپیل کی ہے تاکہ بیگ واپس مل سکے۔ دعویٰ کیا جا رہا ہے کہ بیگ میں تقریباً 70 لاکھ روپے مالیت کے قیمتی زیورات تھے۔

یاد رہے کہ اس سے قبل 2023 میں بھی اروشی روٹیلا نے دعویٰ کیا تھا کہ ان کا 24 قیراط سونے سے تیار کردہ آئی فون نریندر مودی اسٹیڈیم میں گم ہو گیا تھا۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp