چین کے وزیر خارجہ وانگ ای 3 روزہ سرکاری دورے پر اسلام آباد پہنچ گئے۔
یہ بھی پڑھیں: پاکستان چین کی مدد سے الیکٹرک گاڑیوں کی صنعت میں پیشرفت کا خواہاں
میڈیا رپورٹس کے مطابق نور خان ایئربیس پر چین کے وزیر خارجہ کا پرتپاک استقبال نائب وزیراعظم و وزیر خارجہ اسحاق ڈار نے کیا۔ اس موقع پر وزارت خارجہ اور پاکستان میں چینی سفارت خانے کے اعلیٰ حکام بھی موجود تھے۔
ایئربیس پر بچوں کے ایک گروپ نے پاکستان کے روایتی لباس میں ملبوس ہو کر معزز مہمان کا خیرمقدم کیا اور پھول پیش کیے۔
دفتر خارجہ کے مطابق دورے کے دوران اسلام آباد میں چھٹا پاک چین وزرائے خارجہ اسٹریٹجک ڈائیلاگ منعقد ہوگا، جس میں وزیر خارجہ اسحاق ڈار کے دعوت پر وانگ ای شریک ہوں گے۔
چینی وزیر خارجہ اس اسٹریٹجک ڈائیلاگ کے چھٹے دور میں اپنے ملک کی نمائندگی کریں گے، جس کی مشترکہ صدارت وانگ ای اور اسحاق ڈار کریں گے۔
یہ بھی پڑھیں: چینی ماڈل سے متعلق خدشات غلط ثابت، پاکستان چین کے تجربات سے سیکھنا چاہتا ہے، وزیراعظم شہباز شریف
یہ اعلیٰ سطحی اجلاس پاک چین تعلقات کو مزید مستحکم کرنے اور عملی شراکت داری کو نئی جہت دینے میں اہم سنگِ میل ثابت ہوگا۔
