بالی ووڈ اداکارہ ملائکہ اروڑا کو کافی کی خوشبو پسند ہے لیکن وہ اسے پی نہیں سکتیں۔ یہی وجہ ہے کہ انہوں نے چائے اور کافی چھوڑ کر اب ناریل پانی، دودھ اور لسّی کو اپنی ترجیح بنا لیا ہے۔
اداکارہ اور ڈانسر ملائکہ اروڑا نے حال ہی میں اداکارہ سوہا علی خان کے ساتھ ایک نشست میں اپنی خوراک اور طرزِ زندگی پر گفتگو کی۔ اس پروگرام میں مشہور نیوٹریشنسٹ رُجوتا دیویکر بھی شریک تھیں۔
یہ بھی پڑھیے ملائکہ اروڑا پھر سے دلہن بننے کو تیار؟ دوسری شادی کی خواہش ظاہر کر دی
ملائکہ نے بتایا کہ وہ چائے یا کافی کی شوقین نہیں ہیں۔ انہوں نے بتایا
’میں کبھی چائے یا کافی پسند کرنے والوں میں شامل نہیں ہوئی۔ بچپن ہی سے مجھے دودھ پسند رہا ہے۔ صبح اُٹھتے ہی مجھے کافی یا چائے کی ضرورت محسوس نہیں ہوتی۔ اس کے بجائے میں ناریل پانی یا دن میں بعد میں ایک گلاس لسّی پینا زیادہ پسند کرتی ہوں۔‘
یہ بھی پڑھیں: بریک اپ کے بعد ملائکہ کی مبہم پوسٹ نے پھر توجہ حاصل کرلی
51 سالہ اداکارہ نے مزید کہا کہ انہوں نے ان مشروبات کو آزمایا ضرور ہے لیکن وہ ان کے جسم کو راس نہیں آئے:
’میں نے کافی پی کر ہمیشہ بُرا ہی محسوس کیا۔ اس کا ذائقہ عجیب سا لگا اور میرا پیٹ بھی خراب ہو گیا۔ اس لیے مجھے لگا کہ یہ میرے لیے صحیح نہیں ہے۔ مجھے کافی کی خوشبو بہت پسند ہے مگر پینے کے قابل نہیں لگتی۔‘
یہ بھی پڑھیے ارباز خان سے طلاق کیوں لی؟ ملائکہ اروڑہ نے بتادیا
ملائکہ کے مطابق ہر شخص مختلف ہوتا ہے۔ سب کی اپنی پسند و ناپسند اور جسمانی ردعمل ہوتا ہے۔ وہ سمجھتی ہیں کہ پانی، ناریل پانی اور چھاچھ(لسّی) جیسے مشروبات زیادہ قدرتی اور صحت بخش متبادل ہیں۔
