خیرپور میں گیس کے نئے ذخائر دریافت، توانائی ضروریات پوری کرنے میں زبردست معاونت کی توقع

آئل اینڈ گیس ڈیولپمنٹ کمپنی لمیٹڈ(او جی ڈی سی) نے سندھ کے ضلع خیرپور میں واقع ایک کنویں سے گیس اور کنڈینسیٹ کے ذخائر دریافت کرنے کا اعلان کیا ہے۔

یہ بھی پڑھیں: تھر میں کوئلہ گیسیفیکیشن پلانٹ کی تنصیب، چینی کمپنی کے ساتھ مفاہمتی یادداشت پر دستخط

کمپنی کے مطابق یہ مقامی وسائل سے توانائی کی ضروریات پوری کرنے میں مددگار ثابت ہوگا اور ملک کو درپیش توانائی بحران کم کرنے میں اہم کردار ادا کرے گا۔

او جی ڈی سی ایل کے جاری کردہ اعلامیے کے مطابق یہ کنواں 30 جون 2025 کو کھودا گیا اور اسے سیمبر فارمیشن میں 3،800 میٹر کی گہرائی تک ڈرل کیا گیا۔ یہ کام او جی ڈی سی ایل کی اپنی تکنیکی مہارت اور اس کے جوائنٹ وینچر پارٹنر کے تعاون سے انجام دیا گیا

مزید پڑھیے: وزیرستان میں گیس و تیل کے نئے ذخائر دریافت

مزید بتایا گیا ہے کہ وائر لائن لاگ کے تجزیے کی بنیاد پر لوئر گورو فارمیشن میں موجود 2 پرتوں میسیو سینڈ اور بیسل سینڈ میں ڈرل اسٹیم ٹیسٹ کیے گئے۔ ان دونوں ٹیسٹوں کے دوران کنویں سے نمایاں مقدار میں گیس اور کنڈینسیٹ حاصل ہوئی۔

بیان کے مطابق کنویں سے یومیہ 22.5 ملین مکعب فٹ گیس اور 690 بیرل کنڈینسیٹ کی پیداوار متوقع ہے جو کہ 32/64 انچ چوک پر ماپی گئی۔

https://x.com/ogdclofficial/status/1973284816654311791?ref_src=twsrc%5Etfw%7Ctwcamp%5Etweetembed%7Ctwterm%5E1973284816654311791%7Ctwgr%5E78b5aa291f0d9e433a69e937c4213de3e3864bad%7Ctwcon%5Es1_&ref_url=https%3A%2F%2Fwww.thenews.com.pk%2Flatest%2F1347733-ogdcl-announces-discovery-of-gas-con

او جی ڈی سی ایل نے اس نئی دریافت کو توانائی کے شعبے کے لیے ایک قیمتی اضافہ قرار دیا ہے اور کہا ہے کہ یہ کامیابی بِٹرسِم ایکسپلوریشن لائسنس کے تحت حاصل ہوئی ہے۔

مزید پڑھیں: او جی ڈی سی ایل نے لکی مروت میں گیس اور کنڈینسیٹ کے نئے ذخائر دریافت کرلیے

کمپنی کے مطابق یہ دریافت نہ صرف ملکی توانائی کی ضروریات پوری کرنے میں مدد دے گی بلکہ او جی ڈی سی ایل اور پاکستان کے ہائیڈروکاربن ذخائر میں بھی اضافہ کرے گی۔