اسلام آباد میں پاکستان اور سعودی عرب کے درمیان اقتصادی و تجارتی تعلقات کے فروغ کے لیے 2 روزہ باضابطہ مذاکرات کا آغاز آج ہو رہا ہے۔
سعودی عرب کا 15 رکنی تجارتی وفد شہزادہ منصور بن محمد آل سعود کی قیادت میں گزشتہ روز اسلام آباد پہنچا تھا
یہ بھی پڑھیں:سعودی عرب میں آئی ٹی اور سائبر سیکیورٹی پر پاک سعودی تعاون پر اتفاق
دفتر خارجہ کے مطابق وفد میں ممتاز کاروباری شخصیات اور صنعت کار شامل ہیں جو توانائی، اطلاعاتی ٹیکنالوجی، زراعت، مالیاتی خدمات، تعمیرات، سیمی کنڈکٹرز اور خوراک کی صنعت جیسے مختلف شعبوں میں سرمایہ کاری کے امکانات پر بات چیت کریں گے۔
🔊PR No.3️⃣0️⃣3️⃣/2️⃣0️⃣2️⃣5️⃣
Visit of the Chairman of the Saudi-Pakistan Joint Business Council, H.H. Prince Mansour bin Mohammad Al Saud, to Pakistan
🔗⬇️https://t.co/L9HEKHlSRp pic.twitter.com/mjVkp6hmcK
— Ministry of Foreign Affairs – Pakistan (@ForeignOfficePk) October 7, 2025
بیان میں کہا گیا ہے کہ سعودی وفد اپنے قیام کے دوران سرمایہ کاری کے فروغ کے لیے قائم سپیشل انویسٹمنٹ فسیلیٹیشن کونسل (SIFC) سے بھی ملاقات کرے گا۔
مذاکرات میں تجارت، سرمایہ کاری، سعودی ویژن 2030 اور پاکستان کے اقتصادی ترقیاتی ایجنڈے کے تحت ترجیحی شعبوں میں تعاون کے امکانات زیرِ غور آئیں گے۔
یہ بھی پڑھیں:پاک سعودی تعلقات ہمیشہ قائم و دائم رہیں گے، وزیراعظم کا سعودی عرب کے قومی دن پر پیغام
دفتر خارجہ نے وضاحت کی کہ یہ دورہ دونوں ممالک کے درمیان گہرے اور برادرانہ تعلقات کی علامت ہے۔
یہ سعودی پاکستان جوائنٹ بزنس کونسل کے فریم ورک کے تحت اقتصادی و سرمایہ کاری شراکت کو مزید مضبوط بنانے کے مشترکہ عزم کی بھی عکاسی کرتا ہے۔
یاد رہے کہ گزشتہ برس اکتوبر میں بھی 135 رکنی سعودی کاروباری وفد نے پاکستان کا دورہ کیا تھا جس کے دوران البیک سمیت کئی منصوبوں پر معاہدے طے پائے تھے۔
یہ دورہ پاکستان اور سعودی عرب کے گہرے، برادرانہ تعلقات کی عکاسی کرتا ہے اور اس بات کی نشاندہی کرتا ہے کہ دونوں ممالک سعودی پاکستان مشترکہ بزنس کونسل کے فریم ورک کے تحت اقتصادی اور سرمایہ کاری شراکت داری کو وسعت دینے کے لیے پرعزم ہیں۔
دورے کے دوران ہونے والی گفتگو میں تجارت اور سرمایہ کاری میں سہولت فراہم کرنے کے طریقہ کار کے علاوہ ترجیحی شعبوں میں تعاون پر بھی تبادلہ خیال کیا جائے گا، جو سعودی وژن 2030 اور پاکستان کے اقتصادی ترقیاتی ایجنڈے کے مطابق ہوں گے۔
یہ بھی پڑھیں: سعودی عرب کے ساتھ تعلقات کے حوالے سے حکومت اور اپوزیشن ایک صفحے پر ہیں، اسپیکر سردار ایاز صادق
واضح رہے کہ پاکستان اور سعودی عرب کے درمیان تعلقات ہر گزرتے دن کے ساتھ مضبوط ہوتے جا رہے ہیں۔ حال ہی میں پاکستان اور سعودی عرب کے درمیان دفاعی معاہدہ ہوا ہے، جبکہ سعودی ولی عہد شہزادہ محمد بن سلمان کا بھی رواں برس دورہ پاکستان متوقع ہے۔
