آسٹریلیا اور انگلینڈ کے درمیان 5 میچوں پر مشتمل ایشز سیریز کا پہلا ٹیسٹ صرف 2 دن میں ختم ہوگیا، جو اوورز کے اعتبار سے 1888 کے بعد سب سے مختصر ایشز ٹیسٹ کے طور پر ریکارڈ میں شامل ہوا۔
A topsy-turvy Ashes opener settles with a Travis Head masterclass powering Australia 1-0 ahead in Perth 🔥#WTC27 #AUSvENG 📝: https://t.co/eE4SSOzEUc pic.twitter.com/9fodtR58G7
— ICC (@ICC) November 22, 2025
اس موقع پر آسٹریلیا نے انگلینڈ کے دیے گئے 205 رنز کے ہدف کو محض 2 وکٹوں کے نقصان پر حاصل کر لیا۔
ٹریوس ہیڈ نے دھواں دھار بیٹنگ کرتے ہوئے 69 گیندوں پر سنچری مکمل کی اور مجموعی طور پر 123 رنز اسکور کر کے اپنی ٹیم کی جیت میں اہم کردار ادا کیا۔
انگلینڈ کی ٹیم دوسری اننگز میں آسٹریلین پیسرز کے سامنے بے بس نظر آئی اور صرف 164 رنز بنا کر آؤٹ ہو گئی، جبکہ پہلی اننگز میں وہ 174 رنز پر ڈھیر ہوئی تھی۔ آسٹریلیا کی پہلی اننگز میں 132 رنز پر آؤٹ ہوئی تھی۔
یہ بھی پڑھیں:ٹی20 ورلڈ کپ 2026: پاکستان اور بھارت ایک ہی گروپ میں، میچ 15 فروری کو کولمبو میں ہوگا
آسٹریلیا کے فاسٹ باؤلر مچل اسٹارک نے پہلی اننگز میں 7 اور دوسری اننگز میں 3 وکٹیں حاصل کیں، جس کے ساتھ وہ ایشز کے کسی بھی ایک ٹیسٹ میں پہلی بار 10 وکٹیں لینے میں کامیاب ہوئے۔
اسٹارک کی شاندار بولنگ اور ہیڈ کی سنچری نے ٹیم کو چھوٹے ٹیسٹ میں واضح فتح دلائی۔
