بالی ووڈ کے معروف اداکار سیف علی خان کا کہنا ہے کہ حملہ آور کے ساتھ جھڑپ کے دوران کچھ دیر کے لیے ان کے پیر میں احساس ختم ہو گیا تھا اور بستر پر پڑے رہنے یا معذور ہونے کا تصور خوفناک ہے جو ابھی بھی مجھے ڈراتا ہے۔
سیف علی خان نے ایک انٹرویو میں اس خوفناک تجرنے کے بارے میں بات کی جب حملہ آور ان کے گھر میں داخل ہو گیا تھا ان کا کہنا تھا کہ ’میں بہت خوش قسمت ہوں کہ اس طرح کے حملے سے بچ گیا کیونکہ یہ بہت قریب سے ہوا تھا۔ میری ریڑھ کی ہڈی میں ایک چھوٹا سا زخم لگا تھا اور یہ فالج کا سبب بن سکتا تھا کیونکہ کچھ وقت کے لیے میرے پیر میں احساس ختم ہو گیا تھا
یہ بھی پڑھیں: حملہ آور کے پاس کتنے ہتھیار تھے؟ سیف علی خان نے مزید تفصیل بتادی
اداکار نے کہا کہ ہمیشہ کے لیے بستر پر پڑے رہنے یا معذور ہونے کا تصور خوفناک ہے اور ابھی بھی مجھے خوفزدہ کرتا ہے میں صحت مند ہونے پر شکر گزار ہوں اور یہی مجھے شکر گزار رکھتا ہے۔ ان کا کہنا تھا کہ میں ہمیشہ اپنی زندگی کو ایک نعمت سمجھتا آیا ہوں اور یہ تجربہ اس احساس کو اور مضبوط کر گیا ہے۔
انہوں نے کہا کہ میں ہمیشہ شکر گزار رہا ہوں اور جانتا ہوں کہ ہر دن ایک نعمت ہے۔ یہ واقعہ شاید اس احساس کو تھوڑا بڑھا گیا۔ میں ہمیشہ ایک خاص انداز میں زندگی گزارتا رہا ہوں یہ جانتے ہوئے کہ یہ ایک عظیم نعمت ہے اور ہم بہت خوش قسمت ہیں کہ ہم زندگی گزار سکتے ہیں۔
یہ بھی پڑھیں :گرل فرینڈ کو چھوڑنے سے انکار پر پہلی ہی فلم سے نکال دیا گیا، سیف علی خان
خوفناک لمحے کو یاد کرتے ہوئے سیف نے مزاحیہ انداز میں کہا کہ مجھے لگتا ہے کہ میری نو زندگیاں ہیں۔ میں اکثر خطرناک حالات کے بہت قریب رہ چکا ہوں، اور یہ واقعہ بھی ان میں سے ایک تھا۔
انہوں نے ٹوئنکل کھنہ اور کاجول کے ٹاک شو ’ٹو مچ‘ میں بھی واقعے کی تفصیلات بتائیں جہاں انہوں نے کہا کہ حملہ آور ان کے بیٹے جے کے کمرے میں چھری کے ساتھ موجود تھا۔ سیف نے بتایا کہ انہوں نے اندھیرے میں لڑائی کی اور نوکرانی گیتا کی مدد سے حملہ آور کو قابو پایا گیا اور ایک کمرے میں بند کر دیا گیا۔
