وزیراعظم پاکستان شہباز شریف نے کہا ہے کہ پی آئی اے کی نجکاری خوش آئند ہے، جس سے سرمایہ کاروں کا اعتماد بحال ہوا۔ عوامِ سے ہمارا پختہ عزم تھا کہ نقصان میں چلنے والے سرکاری اداروں کی نجکاری کے لیے تیز اور ٹھوس اقدامات کیے جائیں گے، جو ملکی معیشت پر بوجھ بنے ہوئے تھے۔
مزید پڑھیں: پی آئی اے نجکاری: عارف حبیب کنسورشیم نے 135 ارب روپے میں قومی ایئر لائن کو خرید لیا
اپنے ایک بیان میں انہوں نے کہاکہ پاکستان انٹرنیشنل ایئرلائن (پی آئی اے) کی نجکاری کے لیے شفاف اور انتہائی مسابقتی بولی کے عمل کی کامیاب تکمیل اس عزم کی تکمیل میں ایک اہم سنگِ میل ہے۔
Alhamdolilah! A historic day for Pakistan 🇵🇰
It was our firm commitment to the people of Pakistan that speedy and concrete steps would be taken to privatise loss-making state-owned enterprises that have been a burden on the economy.
The successful completion of the transparent…
— Shehbaz Sharif (@CMShehbaz) December 23, 2025
انہوں نے کہاکہ میں نائب وزیراعظم اور وزیر خارجہ اسحاق ڈار، چیف آف آرمی اسٹاف اور چیف آف ڈیفنس فورسز فیلڈ مارشل سید عاصم منیر، وزیر دفاع خواجہ آصف، وزیر خزانہ سینیٹر محمد اورنگزیب، مشیر نجکاری محمد علی اور ان کی پوری ٹیم کو پی آئی اے کی بولی کے عمل کو انتہائی پیشہ ورانہ انداز اور مکمل شفافیت کے ساتھ کامیابی سے مکمل کرنے پر مبارکباد پیش کرتا ہوں۔
وزیراعظم نے کہاکہ میں ہمیشہ یہ مؤقف رکھتا آیا ہوں کہ چاہے کوئی بھی کنسورشیم کامیاب ہوتا، اصل کامیابی پاکستان کی ہی ہوتی، اور آج کا نتیجہ اس یقین کی مکمل تصدیق کرتا ہے۔
انہوں نے کہاکہ ملک کے سرکردہ کاروباری گروپس اور پاکستان کے تجربہ کار اور معزز سرمایہ کاروں کی بھرپور شرکت ہماری معیشت اور اس کے مستقبل پر مضبوط اعتماد کا واضح اظہار ہے۔
شہباز شریف نے کہاکہ یہ عمل ابھی جاری ہے، اور آنے والے دنوں میں ہم مزید جوش، عزم اور محنت کے ساتھ اپنے کام کو جاری رکھیں گے تاکہ اپنی قوم کے لیے ایک روشن مستقبل تعمیر کیا جا سکے۔
واضح رہے کہ آج ہونے والی بولی میں عارف حبیب کنسورشیم نے 135 ارب روپے میں پی آئی اے کے 75 فیصد شیئرز خریدنے میں کامیابی حاصل کرلی ہے۔
مزید پڑھیں: پی آئی اے کی نجکاری ملکی معیشت پر بڑھتا ہوا اعتماد ہے، خواجہ آصف کا اظہار اطمینان
عارف حبیب کنسورشیم نے قومی ائیرلائن کی نجکاری کے تیسرے مرحلے میں 135 ارب روپے کی بولی لگا کر پی آئی اے کے 75 فیصد شیئرز حاصل کرنے میں کامیابی حاصل کی۔
