وزیر اطلاعات پنجاب عظمیٰ بخاری نے دعویٰ کیا ہے کہ پاکستان تحریک انصاف (پی ٹی آئی) نے 8 فروری کو ممکنہ فساد کے لیے پروگرام تیار کیا ہے۔
مزید پڑھیں: پی ٹی آئی احتجاج: صوبائی وزیر شفیع جان کارکنوں کے ہمراہ اسلام آباد ہائیکورٹ پہنچ گئے، سیکیورٹی ہائی الرٹ
لاہور میں پریس کانفرنس کرتے ہوئے عظمیٰ بخاری نے کہاکہ پی ٹی آئی کی سیاست عوام کو اکسانے اور فساد پھیلانے پر مرکوز ہے اور یہ پارٹی دہشت گردی یا افراتفری سے پیچھے نہیں ہٹتی۔
وزیراعلیٰ سہیل آفریدی نے بھی اپنے سوشل میڈیا اکاؤنٹس پر کچھ ویڈیوز اپ لوڈ کی تھیں، لیکن جب پتا چلا کہ بغاوت کی کوشش ناکام ہو گئی ہے تو اس کے بعد وہ ویڈیوز ڈیلیٹ کر دی گئیں۔ عظمیٰ بخاری pic.twitter.com/k4tNBePnwS
— WE News (@WENewsPk) January 12, 2026
انہوں نے ریڈیو پاکستان پر حملے کی فارنزک رپورٹ کا حوالہ دیتے ہوئے کہا کہ اس میں شامل افراد کے چہرے اور آواز کی تفصیلی جانچ پڑتال کی گئی، اور پی ٹی آئی کے افراد اپنے جرم کو تسلیم نہیں کرتے۔
وزیر اطلاعات نے مزید کہاکہ مہاتما گاندھی کے فلسفے کے مطابق پارٹی کے کسی بھی رکن کی دہشت گردی میں ملوث ہونے کی صورت میں قوم سے معافی مانگنا لازمی ہے، اور اب 9 مئی کے فوٹیجز سامنے آ چکے ہیں۔
عظمیٰ بخاری نے یہ بھی الزام عائد کیا کہ سہیل آفریدی نے کراچی میں میڈیا کے ساتھ بدتمیزی کرتے ہوئے فتنہ و فساد پیدا کیا، اور مزار قائد پر جناح ہاؤس کو آگ لگانے کے واقعے پر بھی ممکنہ معافی مانگی گئی ہوگی۔
مزید پڑھیں: پی ٹی آئی احتجاج میں اب اجتماعی استخارہ ہوگا، شیرافضل مروت کا طنز
واضح رہے کہ 8 فروری کو عام انتخابات کے 2 سال مکمل ہونے پر پی ٹی آئی نے احتجاج کا اعلان کیا ہے، جبکہ عمران خان نے پارٹی کو ہدایت کی ہے کہ اسٹریٹ موومنٹ کی تیاری کریں۔
