سابق اوپنر بیٹر احمد شہزاد ایک ٹی وی شو کے دوران جذباتی ہو گئے انہوں نے روتے ہوئے کہا کہ میرا بیٹا 9 سال کا ہے اور وہ مجھے کھیلتے ہوئے دیکھنا چاہتا ہے۔
تابش ہاشمی کے شو میں ان کا کہنا تھا کہ میرا بیٹا رات کو میرے ساتھ سوتا ہے وہ میرا دل رکھنے کے لیے کہتا ہے بابا مجھے یاد ہے آپ کھیلتے تھے لیکن اب میں آپ کو اچھے طریقے سے یاد رکھ پاؤں گا۔ انہوں نے روتے ہوئے کہا کہ میں ویسے خوش ہوں لیکن یہ چیز ہے جو میرے دل کو لگی اور مجھے شدید دکھ ہوتا ہے۔
View this post on Instagram
انہوں نے مزید کہا کہ انہیں کھیلنے کی بہت خواہش ہے اور دوسروں کو کھیلتے دیکھ کر خوشی ہوتی ہے۔ گزشتہ اٹھارہ سال کے اپنے تجربات اور یادیں ہمیشہ ان کے ذہن میں رہتی ہیں اس لیے لیگز کے ابتدائی دو تین دن ان کے لیے خاصے مشکل تھے۔
احمد شہزاد نے واضح کیا کہ ان کے نام کے حوالے سے مختلف افواہیں چلائی جاتی ہیں جیسے ان کی ریٹائرمنٹ یا بین لگنے کی خبریں جبکہ حقیقت کچھ اور ہے۔ انہوں نے کہا کہ اگر میرا نام پی ایس ایل میں آتا تو ٹیم اور لیگ دونوں کو فائدہ ہوتا۔ میرا اٹھارہ سے انیس سال کا تجربہ ٹیم کی قیادت میں کام آ سکتا تھا۔
