سوشل میڈیا کمپنی ’میٹا‘ نے اپنے کاروبار کو منافع بخش اور مزید آگے بڑھانے کی غرض سے ’فیس بک‘ پر ورچوئل رئیلٹی (وی آر) سبسکرپشن سروس شروع کردی ہے۔ فیس بک صارفین اب پیسے دے کر ورچوئل رئیلٹی (وی آر ) سروس استعمال کرتے ہوئے حقیقی لطف اٹھا سکتے ہیں۔
’میٹا‘ نے اعلان کیا ہے کہ ادائیگی کرنے والے صارفین مہینے میں دو نئی گیمز تک رسائی حاصل کر سکیں گے۔
ورچوئل رئیلٹی ایک مصنوعی تھری ڈی ماحول ہے جو صارفین کو اپنے اردگرد کے ماحول کو بالکل اسی طرح دریافت کرتا ہے جیسا وہ قدرتی اور حقیقت میں دیکھ رہے ہوتے ہیں۔ جیسا کہ اگر کوئی شخص ورچوئل ہیڈ سیٹ پر کوئی فلم دیکھ رہا ہے تو وہ خود کو اس فلم میں حقیقی طور پر محسوس کرے گا، اسی طرح اگر کوئی صارف ورچوئل ہیڈ سیٹ پر گیم کھیلنے میں مصروف ہے تو وہ اس گیم کےاندر خود کو بھی اسی گیم کا حصہ سمجھے گا۔
واضح رہے کہ اس سے قبل ’میٹا‘ ہی نے یہ سروس اپنے ’انسٹاگرام‘ پلیٹ فارم پر جاری کی تھی جس کے بارے میں یہ کہا گیا ہے کہ سال کے پہلے تین مہینوں میں ہی ’انسٹاگرام ‘ کے ورچوئل رئیلٹی ( وی آر) یونٹ کو 4 بلین ڈالر کا نقصان ہوا تھا۔
واضح رہے کہ ’میٹا‘ کو اس وقت ٹیکنالوجی کی دُنیا کی ٹائیکون کمپنی ’ایپل‘ کی جانب سے سخت ترین مقابلے کا سامنا ہے جس نے رواں ماہ ہی اپنے انتہائی مقبول ورچوئل (وی آر) ہیڈ سیٹ کو صارفین کے لیے لانچ کیا تھا۔
پیر کو ’میٹا‘ کمپنی نے کہا کہ ’میٹا کویسٹ سروس‘ کی ماہانہ سبسکرپشن فیس7.99 ڈالر یا سالانہ فیس 59.99 ڈالر ہوگی ، میٹا کا دعویٰ ہے کہ اس کی یہ سروس ایپل کے کویسٹ 2، کویسٹ پرو اور آنے والے کویسٹ 3 ہیڈ سیٹ کے ساتھ بھرپور مسابقت پیدا کرے گی۔
واضح رہے کہ 2021 میں میٹا کے چیف ایگزیکٹو مارک زکربرگ نے ‘میٹاورس’ بنانے کے منصوبوں کا افتتاح کیا تھا اور کہا تھا کہ میٹا کمپنی اپنے صارفین کو اپنے پلیٹ فارمز پر ورچوئل رئیلٹی ( وی آر) ہیڈ سیٹ کے ذریعے ایک ایسی آن لائن دنیا فراہم کرے گی جہاں لوگ گیم کھیل سکیں گے، کام کر سکیں گے اور حقیقی دُنیا جیسے ماحول میں بات چیت کر سکیں گے۔
میٹا کمپنی نے اس سال کے پہلے 3 مہینوں میں 5.7 بلین ڈالر منافع کا دعویٰ کیا ہے جو یقیناً مارکیٹ کی توقعات سے کئی زیادہ ہے۔ لیکن دوسری جانب کمپنی کے ورچوئل ریئلٹی ہیڈسیٹ بنانے والے ڈویژن کو 4 بلین ڈالر کے نقصان بھی اطلاعات ہیں۔
