پشاور کی انسداد دہشت گردی عدالت نے 9 مئی کو جلاؤ گھیراؤ اور توڑ پھوڑ کے مقدمے میں نامزد پی ٹی آئی کے سابق ممبر صوبائی اسمبلی ملک واجد اور ارباب وسیم کی درخواستِ ضمانت خارج کر دی، پولیس نے دونوں ملزمان کو کمرہ عدالت سے حراست میں لیا۔
انسداد دہشت گردی عدالت ( اے ٹی سی ) کے جج ڈاکٹر عامر نذیر نے عبوی درخواست ضمانت پر سماعت کی۔ پولیس نے عدالت کو بتایا کہ ملزمان پر 9 اور 10 مئی کو توڑ پھوڑ اور جلاؤ گھیراؤ کا الزام ہے اور دونوں کے خلاف تھانہ خان رازق شہید میں مقدمہ درج ہے۔
عدالت نے پی ٹی آئی کے سابق ممبر صوبائی اسمبلی ملک واجد اور ارباب وسیم کی درخواستِ ضمانت خارج کر دی، جس کے بعد پولیس نے دونوں ملزمان کو کمرہ عدالت سے حراست میں لیا۔
