کوئٹہ میں دہشت گردی کے واقعات میں اضافہ ہوتا جارہا ہے۔ آج ایک اور پولیس اہلکار کو ہزارہ ٹاؤن سے پولیس لائن جاتے ہوئے دہشت گردی کا نشانہ بنایا گیا۔
کوئٹہ پولیس کے مطابق،بے نظیر پل پر دہشت گردوں نے ایک پولیس اہلکار کو قتل کیا ہے۔ محمد جواد نامی پولیس کانسٹیبل ہزارہ ٹاؤن سے پولیس لائن ڈیوٹی پہ جارہا تھا کہ نامعلوم دہشت گردوں نے اسے فائرنگ کرکے شہیدکردیا ہے۔
پولیس کانسٹیبل جواد پر جان لیوا فائرنگ کے بعد نا معلوم حملہ آور فرار ہونے میں کامیاب ہوگئے ہیں۔ پولیس نے علاقے کا گھیراؤ کرتے ہوئے مقتول پولیس کانسٹیبل کی لاش پوسٹ مارٹم کے لیے ہسپتال منتقل کردی ہے۔
واضح رہے کہ نواں کلی میں پولیو ٹیم کی حفاظت پر مامور دو پولیس اہلکاروں کو بھی نامعلوم دہشت گردوں نے گزشتہ روز قتل کردیا تھا۔
تینوں مقتول پولیس اہلکاروں کاتعلق کوئٹہ کی شیعہ ہزارہ برادری سے بتایا جارہا ہے، تاہم اب تک قاتلوں کی گرفتاری عمل میں نہیں لای جاسکی ہے
