کراچی کے نو حلقوں میں ہونے والے ضمنی انتخابات میں شرکت کے لیے جمع کروائے گئے کاغذات کی جانچ پڑتال کا مرحلہ مکمل ہوگیا۔
کراچی این اے 241 میں تمام 24 امیدواروں کے کاغذات منظور کرلیے گئے، جب کہ این اے 242 میں 19 فارم جمع ہوئے، تمام درست قرار دیے گئے۔
این اے 243 میں 15 امیدواروں کے کاغذات درست، 2 کو مسترد کیا گیا، این اے 244 میں تمام 18 امیدواروں کے فارم منظور کیے گئے۔
این اے 247 میں 21 فارم منظور اور 1 کو مسترد کردیا گیا، جب کہ این اے 250 میں تمام 19 کاغذات نامزدگی کو درست قرار دیا گیا۔
کمال این اے 252 میں ہوا جہاں تمام 24 فارم منظور کر لیے گئے، دوسری طرف این اے 254 میں 23 فارم میں سے 20 کو منظور اور 3 کو مسترد کردیا گیا۔
این اے 256 میں تمام 17 امیدواروں کے کاغذات نامزدگی کو درست قرار دیا گیا۔
16 فروری تک کاغذات نامزدگی منظور یا مسترد کیے جانے کے خلاف اعتراضات جمع کرائے جاسکیں گے۔
اعتراضات پر فیصلوں کی آخری تاریخ 20 فروری ہوگی۔
واضح رہے کہ کراچی میں قومی اسمبلی کے 9 حلقوں پر ہونے والے ضمنی انتخابات کے لیے پیپلز پارٹی، تحریک انصاف، ایم کیو ایم اور آزاد حیثیت میں حصہ لینے والوں سمیت 187 امیدواروں نے کاغذات نامزدگی جمع کرائے تھے۔
