سوشل میڈیا پر خبریں گردش کر رہی ہیں کہ پاکستان شوبز کی اداکارہ صرحا اصغر کے زیادتی کی کوشش کی گئی ہے۔
خبروں میں دعویٰ کیا گیا تھا کہ عاصم نامی شخص نے اداکارہ کا پیچھا کیا، آوازیں کسنے لگا اور ان کو ہراساں بھی کیا۔ جس کے بعد انہوں نے پولیس میں شکایت بھی درج کرائی۔
لیکن اداکارہ صرحا اصغر نجی معلومات عام کرنے پر میڈیا پر برس پڑیں۔
اپنی انسٹاگرام اسٹوری میں ان کا کہنا تھا کہ میڈیا کے لوگ مجھے پیغام بھیجنا بند کریں، اپنئ ریٹنگز کے لیے مجھے اور میرے شوہر کو کال کر کے انٹرویو کا کہتے ہوئے ان لوگوں کو شرم آنی چاہیے۔
ان کا مزید کہنا تھا کہ ان تمام نیوز چینلز کو بھی شرم آنی چاہیے جنہوں نے اس واقعے کے ساتھ میری نجی معلومات بھی عام کر دیں، ہم بالکل ٹھیک ہیں الحمد اللہ۔
اطلاعات کے مطابق اداکارہ کے ساتھ یہ نا مناسب واقعہ یکم اگست کو پیش آیا۔
واضح رہے کہ اداکارہ کے شوہر عمرمرتضی اور ملزم عاصم کے درمیان ہاتھا پائی ہوئی جس کے بعد اہل محلہ کی مدد سے ملزم کو پکڑ کر تھانے لے جایا گیا لیکن صرحا اصغر کی عدم دلچسپی کی ِبنا پر ملزم کو رہا کر دیا گیا ہے۔