پاکستان میں بدھ کو ایشیا کپ 2023 کی افتتاحی تقریب منعقد ہوئی تو اس کے متعلق سوشل ٹائم لائنز پر ہونے والی بحث کی حدت کسی بھی طرح ملتان کے موسم سے کم نہ تھی۔
افتتاحی تقریب کے مختلف مناظر شیئر کرنے والوں نے نیپالی گلوکارہ کو جس بات پر سراہا اسی کو بنیاد بنا کر پاکستانی گلوکارہ آئمہ بیگ کو تنقید کا نشانہ بنایا۔
Aima Baig and Trishala Gurung performing .
Aima Baig wore Western dress in her own country but
Trishala Gurung wore her national dress ..Huge respect for Nepali Trishan Gurung #AsiaCup2023 #PAKvNEP #ImranKhan Bandial pic.twitter.com/RcHsWfcD8P— Babar Khan Niazi 🇵🇰 (@Babarniazi777) August 30, 2023
آئمہ بیگ کو ننگے پیٹ اور مغربی لباس زیب تن کر کے پرفارم کرنے پر تنقید کا نشانہ بنانے والوں کا موقف تھا کہ ایک علاقائی ایونٹ پاکستان میں ہوا، ایسے میں ہمیں اپنی شناخت اور اس کی علامتوں کو اپنانا چاہیے تھا کہ نہ کہ دوسروں کی جگالی کر کے اپنا تماشہ بنانا چاہیے تھا۔
عزیر حمزہ نے نیپالی گلوکارہ کی تصویر شیئر کرتے ہوئے لکھا کہ آئمہ بیگ کو سننے کے بعد نیپالی گلوکارہ کے لیے میرے دل میں موجود احترام میں اضافہ ہوا ہے۔ وہ اپنے قومی لباس میں تھی اور آئمہ۔۔۔۔
آئمہ بیگ پر تنقید نے میمز کا سہارا لیا تو دیکھنے والوں کا ردعمل بھی دوسروں تک پہنچایا۔
pakistan after aima baig's performance: pic.twitter.com/XTUWm52UF9
— عثمان (@usmssss) August 30, 2023
آئمہ بیگ کے گانے کے انتخاب، ان کے انداز اور لباس پر تنقید کرنے والوں کے درمیان چند افراد ایسے بھی تھے جنہیں ان کی پرفارمنس خوب بھائی۔
شہریار اعجاز نے لکھا کہ ’آئمہ بیگ تقریب میں چھا گئیں۔‘
https://twitter.com/SharyOfficial/status/1696816650602123293
عثمان نے بستر علالت پر لیٹے ایک مریض کی تصویر شیئر کرتے ہوئے لکھا کہ ’آئمہ بیگ کی پرفارمنس دیکھنے کے بعد پاکستانی‘ کا حال کچھ ایسا ہے۔
بدھ کو ایشیا کپ کا افتتاحی میچ میزبان پاکستان اور نیپال کے درمیان کھیلا گیا۔ نیپال کی ٹیم نے پہلی مرتبہ ایشیا کپ میں شرکت کی ہے جب کہ پاکستانی ٹیم اس وقت ون ڈے کرکٹ کی نمبر ون ٹیم کی پوزیشن پر فائز ہے۔