کراچی میں بڑھتے اسٹریٹ کرائمز اور موبائل فون چوری کی وارداتوں سے بچنے کے لیے نگراں وزیر داخلہ سندھ بریگیڈئیر (ر) حارث نواز نے شہریوں کو مشورہ دیتے ہوئے کہاکہ موبائل کسی ایسی جگہ رکھیں جہاں سے چوری ہی نہ ہو سکے۔
نگراں وزیر داخلہ سندھ بریگیڈیئر (ر) حارث نواز نے شہریوں کو اسٹریٹ کرمنلز اور چوری کی وارداتوں سے بچنے کے لیے حل بتاتے ہوئے کہاکہ شہری موبائل کو ایسی جگہ رکھیں جہاں سے چوری نہ ہو سکے اور کوشش کریں کہ موبائل فون کپڑوں کے اندر والی جیب میں رکھیں تاکہ محفوظ رہ سکے۔
نگراں وزیر داخلہ سندھ نے شہریوں کو اپنی حفاظت خود کرنے کا طریقہ بتاتے ہوئے کہا کہ شہری اس پر عمل درآمد کرکے اپنی حفاظت کریں تاکہ ہماری اور پولیس کی بھی مدد کرسکیں۔
مزید پڑھیں
انہوں نے کہاکہ شہری اپنا فون چوری ہونے سے خود بچائیں، باہر نکلتے وقت موبائل کو ایسی جگہ رکھیں جہاں سے چوری ہی نہ ہو سکے، نگراں حکومت پوری کوشش کررہی ہے کہ صوبے میں امن قائم کریں۔
نگراں وزیرداخلہ سندھ نے مزید کہاکہ کراچی سمیت صوبے بھر میں امن کے لیے اقدامات کیے جارہے ہیں، اسٹریٹ کرائم کے خاتمے کے لیے جرائم پیشہ افراد کے خلاف آپریشن کریں گے۔
انہوں نے کہاکہ کراچی کے علاوہ سندھ کے کچے کے علاقوں میں بھی بڑے آپریشن کی تیاریاں کی جا رہی ہیں جلد ڈاکوؤں کا قلعہ قمع کیا جائے گا۔
وہ کہہ رہے ہیں، ”جاگدے رہنا، ساڈے آسرے تے نہ رہنا “۔
* اب چور لٹیرے اندر والی جیب کی بھی تلاشی لیں گے، جو بچ جاتا تھا وہ بھی لٹے گا۔ 🥴🤨
— Raza Haroon رضا ہارون (@mrazaharoon) September 5, 2023
اس معاملے پر شہریوں نے نگراں وزیر داخلہ کو آڑے ہاتھوں لے لیا اور سوشل میڈیا سائٹ ایکس پر ان کے بیان پر اپنی رائے کا اظہار کرتے ہوئے کہاکہ پہلے موبائل فون بچ جاتے تھے لیکن اب وزیر داخلہ صاحب نے چوروں کو یہ بھی بتا دیا کہ موبائل فون اندر کی جیب میں پڑا ہے۔
🤔 ایسی کونسی جگہ ہو سکتی ہے؟ https://t.co/Gy3b2xslWR
— Haris (@Har1sAkhtar) September 5, 2023
ساتھ ہی وزیر داخلہ سندھ نے شہریوں کو تجسس میں ڈال دیا ہے کہ ایسی کون سی جگہ ہوسکتی ہے جہاں موبائل رکھا جائے اور وہاں سے چوری نہ ہوسکے۔
وزیر داخلہ سندھ کے اس بیان کے بعد شہری تشویش کا شکار ہیں اور سماجی رابطہ ویب سائٹ ایکس پر تبصرے کرتے ہوئے ایک دوسرے کو مختلف مشورے بھی دے رہے ہیں۔