رہنما ایم کیو ایم ڈاکٹر فاروق ستار نے کہاکہ انتخابات کے لیے ایم کیو ایم کو سندھ میں لیول پلیئنگ فیلڈ نہیں مل رہی ہے، اس لیے ہم نے اپنے تحفظات پر الیکشن کمیشن کو آگاہ کر دیا ہے، 2018 میں بھی ہمارے ساتھ ناانصافی اور جانبداری کا مظاہرہ کیا گیا تھا۔
رہنما ایم کیو ایم ڈاکٹر فاروق ستار نے اسلام آباد الیکشن کمیشن کے باہر میڈیا سے گفتگو کرتے ہوئے کہاکہ 15 سال سے سندھ میں بدترین کرپٹ حکمرانی کا تسلسل نظر آرہا ہے، تقرریوں اور تبادلوں میں کرپٹ حکومت کا تسلسل نظر آتا ہے، لیکن بہرحال نگراں وزیر اعلٰی مقبول باقر نے کھلے دل سے ہمارے تحفظات کو سنا۔
’چاہتے ہیں انتخابات غیر جانبدارانہ اور منصفانہ ہوں۔‘
مزید پڑھیں
فاروق ستار نے کہاکہ ہم نے حلقہ بندیوں کے حوالے سے الیکشن کمیشن کو آگاہ کیا ہے، گزشتہ انتخابات میں بھی حیدرآباد، میر پور خاص، سکھر، نوابشاہ، سمیت کراچی کے 3 قومی اور 6 صوبائی حلقوں میں ناانصافیاں ہوئیں۔
’نگراں حکومت کو بھی الیکشن کے لیے تیار ہونا چاہیے۔‘
انہوں نے کہاکہ یہی بہتر ہے کہ ہم الیکشن کمیشن کو بھی تحفظات سے آگاہ کر لیں، ہمارے خدشات پر کیا رسپانس آتا ہے یہ تو بعد میں پتا چلے گا اور اس پر عمل ہوتا ہے یا نہیں آنے والے دنوں میں پتا چلے گا۔