پاک فوج کے زیراہتمام اسپیشل فورسز کی کثیر الملکی فوجی تربیتی مشقیں اختتام پذیر ہو گئی ہیں۔
پاک فوج کے شعبہ تعلقات عامہ (آئی ایس پی آر) کے مطابق مشقوں میں پاکستان، قازقستان، قطر، ترکیہ اور ازبکستان کی اسپیشل فورسز نے حصہ لیا۔
آئی ایس پی آر کے مطابق 2 ہفتوں پر محیط مشقوں کا آغاز 17 ستمبر کو بروتھا میں ہوا، آج ہونے والی اختتامی تقریب کے مہمان خصوصی کمانڈر الیون کور تھے، جبکہ اس موقع پر ڈی جی ملٹری ٹریننگ اور جی او سی اسپیشل سروسز گروپ بھی موجود تھے۔ مشق کے آخری روز اسپیشل فورسز نے اپنی پیشہ ورانہ مہارت کا مظاہرہ کیا۔
آئی ایس پی آر نے بتایا کہ اس مشق کا مقصد برادر ممالک کے درمیان تاریخی فوجی تعلقات کو مزید مضبوط بنانا اور اس کے علاوہ انسداد دہشت گردی کے خلاف مشترکہ اقدامات کے تصورات کے اطلاق میں مدد کے ساتھ ساتھ مستقبل کے فوجی تعاون کے لیے باہمی دلچسپی کے شعبوں کی نشاندہی کرنا تھا۔
