غزہ کی پٹی سے فلسطینی حریت پسند تنظیم حماس نے آج صبح اسرائیل پر سیکڑوں راکٹ فائر کیے جس کے بعد اسرائیل کے طول وعرض میں خطرے کے سائرن بج اٹھے اور اسرائیل نے باقاعدہ جنگ کا اعلان کر دیا۔ غیر ملکی میڈیا کے مطابق حماس کی جانب سے داغے گئے راکٹ حملوں میں اب تک 22 اسرائیلی ہلاک ہوگئے جبکہ 500 سے زائد زخمی ہیں۔
الجزیرہ کے مطابق حماس کی جانب سے دعوٰی کیا گیا ہے کہ اسرائیل پر 5 ہزار راکٹ داغے گئے ہیں اور 57 کے قریب اسرائیلی فوجیوں کو گرفتار بھی کیا گیا ہے جبکہ غزہ کے قریب اسرائیلی فورسز کے بیس کیمپ سمیت 3 علاقوں کا کنٹرول بھی حاصل کر لیا گیا ہے۔
حماس کی جانب سے اسرائیلی علاقوں میں پیش قدمی جاری ہے، فلسطینی فورسز ایریز کراسنگ میں داخل ہو گئی ہیں، ایریز کراسنگ اب فلسطینیوں کے کنٹرول میں ہے، 28 سال سے اسرائیلی فورسز نے غزہ پٹی کے قریب علاقوں پر قبضہ کر رکھا تھا۔
ویڈیو میں دیکھا جا سکتا ہے کہ کس طرح فلسطینی بلڈوزر کے ذریعے اسرائیلی علاقوں میں تاروں اور باڑ کو توڑتے ہوئے بارڈر لائن کراس کر کے اندر داخل ہو رہے ہیں۔
⚡️#BREAKING A Palestinian bulldozer removing the separation wall on the Gaza Strip border. pic.twitter.com/PHd2AR2VKe
— War Monitor (@WarMonitors) October 7, 2023
دوسری جانب اسرائیلی حکام نے حملوں کی تصدیق کرتے ہوئے اینٹی راکٹ سسٹم نصب کرتے ہوئے جوابی حملے شروع کر دیے ہیں۔ اسرائیلی وزیر اعظم نیتن یاہو نے اعلان کرتے ہوئے کہاکہ اسرائیل حالت جنگ میں ہے اور حماس کو اس حملے کے سخت نتائج بھگتنے پڑیں گے۔
אנחנו במלחמה. pic.twitter.com/XNM3l7fEQH
— Benjamin Netanyahu – בנימין נתניהו (@netanyahu) October 7, 2023
ایرانی میڈیا کے مطابق ایران کے سپریم لیڈر علی خامنہ ای کے مشیر رحیم صفوی نے فلسطینی جنگجوؤں کو اسرائیل پر برسوں میں سب سے بڑا حملہ کرنے پر مبارکباد دی ہے۔ رحیم صفوی نے کہا کہ ہم فلسطینی جنگجوؤں کو مبارکباد پیش کرتے ہیں۔ ہم فلسطین اور یروشلم کی آزادی تک فلسطینی جنگجوؤں کے ساتھ کھڑے رہیں گے۔
#فلسطين کے مجاہدین نے جیسے ہی غزہ کے اسرائیلی محاصرے کو ختم کیا، حماس کے رہنما اسماعیل ہانیہ نے اپنے ساتھیوں سمیت سجدہ شکر ادا کیا#Palestina #GazaUnderAttack #Palestinian pic.twitter.com/YTqcnZHMk1
— ترکیہ اردو (@TurkiyeUrdu_) October 7, 2023
ترکیہ اردو کے مطابق حماس کے مجاہدوں اور فلسطینی جہادیوں نے جیسے ہی غزہ کے اسرائیلی محاصرے کو ختم کیا، حماس کے رہنما اسماعیل ہانیہ نے اپنے ساتھیوں سمیت سجدہ شکر ادا کیا۔
حماس نے دعوٰی کیا ہے کہ اس نے غزہ کے قریبی علاقوں کا کنٹرول حاصل کر لیا ہے، اور اسرائیل کے متعدد علاقوں میں حماس کی پیش قدمی جاری ہے، بہت جلد اپنے علاقوں کو واپس لے لیں گے۔ معلومات کے مطابق حماس کے اہلکار پیرا گلائیڈنگ کرتے ہوئے اسرائیل میں داخل ہوئے۔
الجزیرہ کی رپورٹ کے مطابق غزہ پر راکٹ حملوں میں کم از کم 22 اسرائیلی مارے گئے ہیں جبکہ 500 کے قریب زخمی ہیں۔ 50 سے زائد اسرائیلی فوجیوں کو گرفتار کیا جا چکا ہے۔ ٹائمز آف اسرائیل کی ایک رپورٹ میں کہا گیا ہے کہ کم از کم 2 درجن کے قریب افراد شدید زخمی ہیں۔
عرب نیوز کے مطابق حماس کے عسکری ونگ کے رہنما محمد دیف کا کہنا ہے کہ مسلح گروپ نے اسرائیل کے خلاف ایک نیا فوجی آپریشن شروع کیا ہے۔ آپریشن الاقصٰی فلڈ شروع کرنے کے لیے ہفتے کی صبح اسرائیل پر 5 ہزار راکٹ فائر کیے گئے۔
إطلاق رشقات صاروخية من قطاع #غزة تجاه مستوطنات إسرائيلية حدودية والقبة الحديدية تعترض عددا منها#العربية pic.twitter.com/QiExRuYxux
— العربية عاجل (@AlArabiya_Brk) October 7, 2023
محمد دیف نے تمام فلسطینیوں کو اسرائیل کے خلاف لڑنے پر زور دیتے ہوئے کہا کہ اب ہم نے فیصلہ کر لیا ہے کہ ہم کھل کر لڑیں گے کیونکہ بہت ظلم سہہ لیا ہے اب بس لڑیں گے یا مریں گے۔
مزید پڑھیں
محمد دیف کا پیغام ایک آڈیو ریکارڈنگ کے ذریعے پہنچایا گیا۔ دوسری جانب اسرائیلی حکام نے بھی غزہ سے دراندازی کی تصدیق کی ہے۔ اسرائیلی فوج نے کہا ہے کہ وہ غزہ کی پٹی میں اہداف پر حملہ کرنے کے لیے تیار ہے، وزیر دفاع کی جانب سے ریزرو فورسز کی بھی منظوری دے دی گئی ہے۔
🚨NOW: Sirens sounding in Jerusalem and surrounding areas🚨 pic.twitter.com/78ZWgMi4D6
— Israel Defense Forces (@IDF) October 7, 2023
میڈیا رپورٹس کے مطابق اسرائیل نے غزہ سے راکٹ فائرنگ کا فوری کوئی جواب نہیں دیا، تاہم اسرائیل عمومی طور پر راکٹ حملوں کا جواب فضائی حملوں سے دیتا ہے جس کے بعد ایک بڑی جنگ کا امکان پیدا ہوچکا ہے۔ جبکہ اسرائیل نے فورسز کو الرٹ رہنے کا حکم دے دیا ہے، اور حماس کو سنگین نتائج بھگتنے کی دھمکی بھی دی ہے۔
Palestinian homemade rockets hit areas occupied by Israel.
— Palestine Info Center (@palinfoen) October 7, 2023
حالیہ حملے غزہ کے ساتھ اسرائیلی سرحد پر بڑھتی ہوئی کشیدگی اور مقبوضہ غرب اردن میں شدید لڑائی کے کئی ہفتوں بعد سامنے آئی ہے۔
القسام بریگیڈز نے ایک ویڈیو شائع کی ہے جس میں دکھایا گیا ہے کہ اس کے جنگجو غزہ سے پیراگلائیڈز میں اسرائیلی بستیوں پر اتر رہے ہیں۔#حماس #اسرائيل_سقطت #طوفان_القدس pic.twitter.com/qZ8jcNbMn4
— RTEUrdu (@RTEUrdu) October 7, 2023
میڈیا رپورٹ کے مطابق غزہ کے رہائشیوں نے بتایا کہ انہوں نے اسرائیل کے ساتھ باڈر کے قریب جنوبی قصبے خان یونس کے قریب مسلح جھڑپیں سنی ہیں اور مسلح فلسطینی جنگجوؤں کی نمایاں نقل و حرکت دیکھی ہے۔ جبکہ اسرائیلی فوج کی طرف سے کوئی اضافی تفصیلات سامنے نہیں آئیں۔
اسرائیل کی ایمبولینس سروس کا کہنا ہے کہ ٹیمیں غزہ کے قریب جنوبی اسرائیل کے علاقوں میں بھیج دی گئی ہیں اور رہائشیوں کو اندر ہی رہنے کی تنبیہ کی گئی ہے۔
