فلسطینی مزاحمتی تنظیم حماس اور اسرائیل کےدرمیان شدید جھڑپیں چوتھے روز میں داخل ہوگئی ہیں اس دوران سوشل میڈیا پیلٹ فارم ایکس (سابقہ ٹوئٹر) پر چیئرمین پی ٹی آئی عمران خان کی سابقہ اہلیہ اور مشہور برطانوی فلمساز جمائما گولڈ اسمتھ کے کا ایک پوسٹ وائرل ہو رہا ہے جس میں وہ سوشل میڈیا پر اپنے خلاف ہونے والے پروپیگنڈا سے پریشان نظر آرہی ہیں۔
انہوں نے سوشل میڈیا پلیٹ فارم ایکس پر ایک اسکرین شاٹ اپلوڈ کیا ہے جو کے ان کے نام سے منسوب ہے۔ اس اسکرین شاٹ ان کی جانب سے لکھا گیا ہے کہ ’ اسرائیل زندہ باد اور میں اسرائیل کے ساتھ کھڑی ہوں‘۔
ان کے نام سے منسوب اس اسکرین شاٹ پر ان کا کہنا تھا کہ میری سابقہ نند نے میں مجھے یہ (بظاہر فیک پوسٹ) اس پیغام کے ساتھ بھیجا ہے کہ ’اپوزیشن مصروف ہے‘‘
جمائما نے مزید لکھا کہ ’یہ سوشل میڈیا پر گردش کرنے والی یہ جعلی پوسٹ ہے۔
یہ آخر کب تک ایسا چلتا رہے گا؟‘
Just sent this by my former sister in law with the message “Opposition is busy” – this is a fake post circulating on social media.
When will this ever stop? pic.twitter.com/pVmpkN8Cbs— Jemima Goldsmith (@Jemima_Khan) October 10, 2023
ان کی طرف سے کی گئی یہ پوسٹ سوشل میڈیا پر تیزی کے ساتھ وائرل ہوئی جس پر سوشل میڈیا صارفین تبصروں میں مصروف ہیں۔
سیف اعوان نامی سوشل میڈیا صارف نے ان کی پوسٹ پر تبصرہ کرتے ہوئے لکھا کہ اس کا مطلب ہے کہ علیمہ خان اب بھی آپ کے ساتھ رابطے میں ہے اعتراف کرنے کا شکریہ۔
اسکا مطلب ہے علیمہ خان تاحال آپ سے رابطے میں ہے۔حقیقت کا اعتراف کرنے پر شکریہ
— Saif Awan (@saifullahawan40) October 10, 2023
واضح رہے کہ جمائما کے نام سے کیے گئے اس ٹوئٹ میں ’لانگ لیو اسرائیل‘ کی جگہ ’لانگ لانگ اسرائیل‘ لکھا ہے اور یہ ایسی غلطی ہے جو ویسے بھی انگریزی کا کوئی پڑھا لکھا اہل زبان نہیں کرسکتا۔
