کوئٹہ کے علاقے قائد آباد کے علاقے میں لڑکیوں کی نازیبا ویڈیوز بنانے کے کیس میں عدالت نے 2 ملزمان کو 3، 3 سال قید کی سزا سنا دی۔
تفصیلات کے مطابق لڑکیوں کی نازیبا ویڈیوز بنانے کے کیس کا فیصلہ سناتے ہوئے جوڈیشنل مجسٹریٹ سیون نے ملزمان کو 5، 5 لاکھ روپے جرمانے کی سزا بھی سنائی۔ ملزمان کو قید اور جرمانے کی سزا سائبر کرائم ایکٹ کے تحت دی گئی ہے۔
واضح رہے گزشتہ سال نومبر میں ویڈیو اسکینڈل کے دونوں ملزمان کو 6، 6 سال قید اور 5، 5 لاکھ روپے جرمانے کی سزا سنائی گئی تھی۔
دونوں ملزمان نے دسمبر 2021ء میں لڑکی کو گھر میں قید کرکے نازیبا ویڈیو بنائی تھی، ملزمان کے قبضے سے مزید لڑکیوں کی نازیبا ویڈیوز بھی برآمد ہوئی تھیں۔
