اسلام آباد ہائیکورٹ نے سائفر کیس میں وائس چیئرمین پی ٹی آئی شاہ محمود قریشی کی درخواست ضمانت مسترد کر دی ہے۔
اسلام آباد ہائیکورٹ کے چیف جسٹس عامر فاروق نے محفوظ فیصلہ سنا دیا۔
عدالت فریقین کے وکلا کے دلائل سننے کے بعد فیصلہ محفوظ کیا تھا جو سنا دیا گیا۔
واضح رہے کہ وائس چیئرمین پی ٹی آئی شاہ محمود قریشی سائفر کیس میں اڈیالہ جیل میں قید ہیں اور ان پر فرد جرم بھی عائد کی جا چکی ہے۔ شاہ محمود قریشی نے ضمانت کے لیے اسلام آباد ہائیکورٹ سے رجوع کیا تھا۔
اس سے قبل 27 اکتوبر کو عدالت العالیہ نے چیئرمین پاکستان تحریک انصاف عمران خان کی درخواست ضمانت بھی مسترد کر دی تھی۔
