آئی سی سی ورلڈ کپ 2023 کا پہلا سیمی فائنل بھارت اور نیوزی لینڈ کے مابین ممبئی میں کھیلا جا رہا ہے۔ گزشتہ میچ میں بھارتی بلے باز ویرات کوہلی نے جنوبی افریقہ کے خلاف ورلڈ کپ کے میچ میں اپنی 49ویں سنچری مکمل کی جس کے بعد وہ سچن تندولکر کا ریکارڈ برابر کرنے والے پہلے بلے باز بن گئے۔
اندازہ لگایا جا رہا تھا کہ جلد ہی وہ اپنی اگلی سنچری اسکور کر کے سچن تندولکر کا ریکارڈ توڑ ڈالیں گے اور مداحوں کی امیدوں کے عین مطابق آج انہوں نے نیوزی لینڈ کے خلاف سیمی فائنل میں سنچری اسکور کر کے لیجنڈ بلے باز سچن تندولکر کی ون ڈے کرکٹ میں سب سے زیادہ سنچریوں کا ریکارڈ توڑ ڈالا۔
سماجی رابطے کی ویب سائٹ ایکس پر جہاں کرکٹ شائقین نے ویرات کوہلی کو مبارکباد دی وہیں موجودہ اور سابق کھلاڑیوں سمیت اسپورٹس جرنلسٹس نے بھی ان کو یہ سنگ میل عبور کرنے پر خراج تحسین پیش کیا۔
سنچری اسکور کرنے کے بعد گفتگو کرتے ہوئے ویرات کوہلی کا کہنا تھا کہ اس سے زیادہ اور کچھ نہیں ہوسکتا تھا کہ جب میں سنچری اسکور کر رہا تھا تو میری بیوی انوشکا شرما مجھے کھیلتا دیکھ رہی تھیں اور میرے ہیرو سچن تندولکر بھی اسٹینڈز میں موجود تھے۔
‘I couldn’t have asked for anything more. I had my wife and the person I love the most Anushka there watching it, and I also had my hero Sachin Tendulkar in the stands’ – Virat Kohli ❤️❤️ #CWC23 #INDvsNZ pic.twitter.com/TJRYMcWAMe
— Farid Khan (@_FaridKhan) November 15, 2023
سابق انگلش کپتان مائیکل وان نے سماجی رابطے کی ویب سائٹ ایکس پر پوسٹ کرتے ہوئے لکھا بلے بازی کی لیگیسی سچن سے ویرات کے پاس آئی اور اب شبھمن گل کی باری ہے۔
The baton was passed from @sachin_rt to @imVkohli .. You get the feeling Virat will be passing it onto @ShubmanGill as the next god of Indian cricket .. #CWC2023 #India
— Michael Vaughan (@MichaelVaughan) November 15, 2023
افغان کرکٹر راشد خان نے پوسٹ کرتے ہوئے لکھا ویرات کوہلی کو کھیلتے دیکھنا ایک شاندار احساس ہے ، ایک بہترین اننگز۔
Always a treat to watch him play 😍
A wonderful innings and an even bigger feat 👏Take a bow @imVkohli you beauty 🙏 👑
— Rashid Khan (@rashidkhan_19) November 15, 2023
ایک صارف نے ویرات کوہلی کی تصویر پوسٹ کرتے ہوئے لکھا یہ اس سال کا سب سے بہترین لمحہ ہے۔
ONE OF THE BEST MOMENTS OF THE YEAR ❤️🔥 #ViratKohli𓃵 🫡 pic.twitter.com/0QjaOr6yMb
— Aavishkar (@aavishhkar) November 15, 2023
واضح رہے کہ ویرات کوہلی ون ڈے انٹرنیشنل کرکٹ میں 50 سینچریاں مکمل کرنے کے بعد سب سے زیادہ سینچریاں بنانے والے کھلاڑی بن گئے، ویرات کوہلی نے اسی میچ کے دوران ورلڈ کپ ایڈیشن میں سب سے زیادہ 673 رنز بنانے کا ریکارڈ بھی توڑ دیا، ویرات کوہلی نے ورلڈ کپ کے 10 میچوں میں 691 رنز بنائے۔ یہ دونوں ریکارڈ اس سے قبل سچن ٹینڈولکر کے پاس تھے۔
