پیزا شاپ پر کام کرنے والے شیف نے اپنی بھوک مٹانے کا انوکھا طریقہ ڈھونڈ نکالا، اس نے پیزا سے ایک سلائس ایسے چوری کیا کہ کسٹمر کو احساس تک نہ ہوا۔
امریکی ریاست فلوریڈا میں کام کرنے والے اس شیف نے اپنی اس ’مہارت‘ کا مظاہرہ ٹک ٹاک پر کیا جسے 34 لاکھ سے زیادہ افراد دیکھ چکے ہیں۔
ویڈیو میں دیکھا جاسکتا ہے کہ شیف ایک تازہ تازہ تیارکردہ پیزا کو اوون سے نکالتا ہے اور بڑی چالاکی سے کٹر کی مدد سے پیزا کے درمیان سے ایک پٹی الگ کرلیتا اور باقی ماندہ دونوں بڑے حصوں کو دوبارہ جوڑ کر کمال جادوگری سے ان کے ویسے ہی سلائس بنا دیتا ہے جیسا کہ وہ عام طور پر کسی بھی پیزا شاپ پر کسٹمر کو پیش کیے جاتے ہیں۔
@pizzajayryan
اس ویڈیو میں دیکھنے والوں خصوصاً کسٹمرز کے لیے ایک خصوصی گانا بھی ساتھ ساتھ چل رہا تھا جس کے بول تھے، ’انہیں کیسے پتہ چلے گا‘۔
یہ ویڈیو شیئر ہونے کے بعد صارفین نے دلچسپ کمنٹس کیے، ایک صارف نے کہا اب انہیں پیزا بنانے والے ایماندار لوگوں کی تلاش ہے، ایک صارف نے کہا کہ ایہ دراصل پیزا ڈیلوری کا سرچارج ہے جسے ’ڈرائیور سلائس‘ کہا جاتا ہے۔
