انٹرنیشنل کرکٹ کونسل (آئی سی سی) ورلڈ کپ کا ٹائٹل جیتنے میں ناکامی پر بھارت کے کھلاڑی رو پڑے۔
بھارتی شہر احمد آباد کے نریندرا مودی کرکٹ اسٹیڈیم میں کھیلے گئے کرکٹ ورلڈ کپ کے فائنل میں آسٹریلیا نے بھارت کو 6 وکٹوں سے شکست دے کر ٹائٹل اپنے نام کر لیا۔ بھارتی ٹیم کا تیسری بار ورلڈ کپ جیتنے کا خواب چکنا چور ہو گیا۔
آسٹریلیا کے بیٹر ٹریوس ہیڈ اور لبوشین نے بہترین بیٹنگ کا مظاہرہ کرتے ہوئے ٹیم کو کامیابی سے ہمکنار کیا اور یوں آسٹریلوی ٹیم چھٹی بار ایک روزہ کرکٹ ورلڈ کپ کی عالمی چیمپیئن بن گئی۔
مزید پڑھیں
آسٹریلوی بیٹر ٹریوس ہیڈ نے 120 گیندوں پر 137 رنز کی شاندار اننگز کھیلی جبکہ لبوشین 58 رنز بنا کر ناقابل شکست رہے۔ اس کے علاوہ مچل مارش 15، ڈیوڈ وارنر 7 اور اسٹیو اسمتھ 4 رنز بنا کر آؤٹ ہوئے۔ جبکہ وننگ شارٹ گلین میکسول نے لگائی اور 2 رنز بنا کر ناقابل شکست رہے۔
آسٹریلیا کے ہاتھوں شکست کے بعد بھارتی کرکٹ ٹیم کے کھلاڑیوں کو روتے ہوئے دیکھا گیا ہے۔
سوشل میڈیا پر ویڈیوز وائرل ہو رہی ہیں جن میں دیکھا جا سکتا ہے کہ بھارتی بولر محمد سراج اور دیگر کھلاڑیوں کی آنکھوں میں آنسو ہیں۔
Don't cry guys mohomad Siraj is crying 😭 pic.twitter.com/ZPlg3LO6B0
— sankalpa (@rmfc_sankalpa) November 19, 2023
بھارتی ٹیم کے کپتان روہت شرما کی آنکھوں میں بھی آنسو دکھائی دیے۔
Who says men don’t cry? They do feel things deeply and have tears when something is so heartbreaking as this. I’m crying too. 💔#RohitSharma𓃵 pic.twitter.com/g1cNfSXdNk
— ruchi kokcha (@ruchikokcha) November 19, 2023
یاد رہے کہ بھارت کی کرکٹ ٹیم پورے ایونٹ میں ناقابل شکست رہی ہے۔ پہلے مرحلے کے 9 میچ جیتنے کے بعد سیمی فائنل میں نیوزی لینڈ کو شکست دے کر فائنل کے لیے کوالیفائی کیا تھا۔
آسٹریلیا کی ٹیم نے جنوبی افریقہ کو شکست دے کر فائنل مرحلے کے لیے کوالیفائی کیا تھا۔
یہ بھی یاد رہے کہ آسٹریلیا نے اس سے قبل 1987، 1999، 2003، 2007 اور 2015 میں ورلڈ کپ کا ٹائٹل اپنے نام کیا۔
