لاہور ہائیکورٹ نے اسموگ کے باعث جنوری کے آخر تک ہفتے کے روز تعلیمی ادارے بند رکھنے کا حکم دے دیا ہے۔
لاہور ہائیکورٹ کے جسٹس شاہد کریم نے اسموگ کے تدارک کے لیے شہریوں کی دائر درخواستوں پر ڈپٹی کمشنر سمیت دیگر کو اسکولز، کالجز اور یونیورسٹیز بند کرنے کا نوٹیفکیشن جاری کرنے کی ہدایت کی ہے۔
جسٹس شاہد کریم نے اسموگ کے تدارک کے لیے دائر درخواستوں پر تحریری حکم جاری کردیا ہے۔
عدالت نے اپنے فیصلے میں کہا ہے کہ پنجاب حکومت ہفتے کے2 روز ورک فرام ہوم کرنے کے حوالے سے اقدامات کررہی ہے، نوٹیفکیشن میں جم بند کرنے کا لفظ معطل کیا جاتا ہے۔
جسٹس شاہد کریم نے قرار دیا ہے کہ جم بند کرنے کا نوٹیفکیشن کورونا کی شک کے تحت دیا گیا ہے، اسے مزید لاگو نہیں کیا جا سکتا۔
