پاکستان ویمنز کرکٹ ٹیم کا نیوزی لینڈ کے دورے کی پریکٹس کے لیے لگایا گیا کیمپ ختم ہوگیا۔ کھلاڑیوں نے کیمپ میں کوچز کی زیر نگرانی ٹریننگ سیشنز، میچ سینیریو اور ون ڈے پریکٹس میچز میں حصہ لیا۔
پاکستانی ٹیم کے 17 رکنی دستے کے لیے 4 روزہ کیمپ حنیف محمد ہائی پرفارمنس سینٹر میں قائم کیا گیا تھا۔
قومی ویمنز ٹیم 23 اور 24 نومبر کی درمیانی شب کراچی سے براستہ دبئی نیوزی لینڈ کے لیے روانہ ہوگی۔
پاکستان ویمنز کرکٹ ٹیم نیوزی لینڈ کے دورے میں 3 ٹی ٹوئنٹی انٹرنیشنل اور اتنے ہی ایک روزہ میچوں کی سیریز کھیلے گی۔
واضح رہے کہ نیوزی لینڈ دورے کے لیے ندا ڈار کی قیادت پاکستانی اسکواڈ کا اعلان پہلے ہی کیا جا چکا ہے۔
ٹیم کی دیگر کھلاڑیوں میں عالیہ ریاض، بسمہ معروف، ڈیانا بیگ، فاطمہ ثناء، غلام فاطمہ، منیبہ علی (وکٹ کیپر)، ناجیہ علوی (وکٹ کیپر)، نشرہ سندھو، نتالیہ پرویز، عمیمہ سہیل، صدف شمس، سعدیہ اقبال، شوال ذوالفقار، سدرہ امین، ام ہانی اور وحیدہ اختر شامل ہیں۔
