کبھی ڈریسنگ روم کی لڑائیاں تو کبھی اختلافات کی قیاس آرائیاں، قومی کرکٹ ٹیم کے کھلاڑیوں میں تلخ جملوں کے تبادلوں اور اختلافات کی خبریں اکثر سوشل میڈیا پر گردش کرتی رہتی ہیں جس کے بعد کبھی ایک ساتھ تصویریں تو کبھی بیانات کی صورت وضاحتیں سامنے آتی ہیں۔
حال ہی میں انڈیا میں ہونے والے کرکٹ ورلڈ کپ میں پاکستانی ٹیم کی ناقص کارکردگی کے بعد کپتان بابر اعظم نے کپتانی سے استعفی دے دیا اور ان کی جگہ شان مسعود ٹیسٹ اور شاہین آفریدی ٹی ٹوئنٹی فارمیٹ کے کپتان مقرر کیے گئے۔
کپتانی سے ہٹنے کے بعد شاہین شاہ اور ٹیم کے دیگر کھلاڑیوں کے ساتھ بابر اعظم کے اختلافات کی خبریں بھی آئیں جن کی تردید کر دی گئی۔ تاہم آج یہ خبر گردش کر رہی ہے کہ نسیم شاہ نے بابر اعظم کو انسٹاگرام پر ان فالو کر دیا ہے۔
بعض صارفین کا کہنا ہے کہ فاسٹ بولر نسیم شاہ تو بابر اعظم کو انسٹاگرام پر فالو ہی ںہیں کرتے تھے جبکہ چند دن قبل ہی انہوں نے فالو کرنا شروع کیا ہے۔ جبکہ چند صارفین سوال کرتے نظر آئے کہ آخر یہ ہو کیا رہا ہے؟
ایک صارف نے لکھا کہ نسیم شاہ نے بابر اعظم کو انسٹاگرام پر ان فالو کر دیا ہے، آخر یہ کیا کھچڑی پک رہی ہے؟
Naseem unfollowed Babar azam on Instagram. What is cooking??👀 #BabarAzam𓃵 #naseemshah pic.twitter.com/RrCG6Aznt5
— Andiknurgahanft (@Andiknurga78824) November 22, 2023
حسنین نامی صارف لکھتے ہیں کہ نسیم نے بابر کو انسٹاگرام پر کبھی فالو نہیں کیا لیکن بابر اعظم کو ان فالو کرنے کی خبروں کے ساتھ ہی نسیم شاہ نے پہلی بار بابر اعظم کو فالو کر لیا۔
https://twitter.com/__Husnain_56/status/1727547910022406424?s=20
ایک صارف نے کہا کہ نسیم شاہ کی بابر اعظم کو ان فالو کرنے کی خبریں جھوٹی ہیں، ایسا صرف سنسنی پھیلانے کے لیے کیا گیا ہے، نسیم شاہ کبھی بابر اعظم کی اس طرح بے عزتی نہیں کر سکتا۔
All this news about @iNaseemShah unfollowing @babarazam258 is completely fake and just a click bait.
Naseem is a gentleman and he would never disrespect KingBabar like that. #BabarAzam #NaseemShah pic.twitter.com/akn2jUkhVB
— Criktastic (@criktastic) November 23, 2023
فیکٹ چیک:
نسیم شاہ نے بابر اعظم کو انسٹا گرام پر ان فالو نہیں کیا بلکہ وہ ان کو فالو کر رہے ہیں۔
واضح رہے کہ بابر اعظم نے بطور کپتان 20 ٹیسٹ، 43 ون ڈے اور 71 ٹی ٹوئنٹی میچوں میں پاکستانی ٹیم کی قیادت کی اور ورلڈ کپ کے بعد انھوں نے تینوں فارمیٹس میں ٹیم کی کپتانی چھوڑنے کا اعلان کیا تھا۔
قومی ٹیم کے فاسٹ بولر نسیم شاہ انجری کے باعث ورلڈ کپ کا حصہ نہیں بن سکے تھے۔