قومی کرکٹ ٹیم کے کھلاڑی صہیب مقصود کی جانب سے سندھ پولیس پر رشوت طلب کرنے کا الزام لگانے پر آئی جی سندھ نے نوٹس لیا ہے جس کے بعد پولیس نے کارروائی کرتے ہوئے 4 اہلکاروں کو گرفتار کر لیا ہے اور ان کے خلاف مقدمہ بھی درج کر لیا گیا ہے۔
قومی کرکٹر صہیب مقصود نے سوشل میڈیا سائٹ ’ایکس‘ پر اپنے ایک بیان میں لکھا تھا کہ ہم خوش قسمت ہیں جو پنجاب میں رہتے ہیں سندھ میں نہیں۔
اپنے بیان میں انہوں نے لکھا کہ میں ساتھی کرکٹر عامر یامین کے ہمراہ کراچی سے لاہور بذریعہ ٹرین سفر کر رہا ہوں، سندھ پولیس اتنی کرپٹ ہے کہ ہر 50 کلومیٹر کے بعد روک کر پیسے مانگتی ہے، اور آپ کو دھمکی دی جاتی ہے کہ پولیس اسٹیشن لے جایا جائے گا۔
https://twitter.com/sohaibcricketer/status/1729219848230613220?ref_src=twsrc%5Etfw%7Ctwcamp%5Etweetembed%7Ctwterm%5E1729220092687438184%7Ctwgr%5Ed4db2b7e50208414c8ba5c4773f45109cad505c1%7Ctwcon%5Es2_&ref_url=https%3A%2F%2Fwww.dawnnews.tv%2Fnews%2F1217496
انہوں نے کہاکہ پیسے نہ دینے پر 50 کلومیٹر کے بعد پھر روک کر پیسے مانگے جاتے ہیں، سندھ پولیس میں کرپشن عروج پر پہنچ گئی ہے۔
صہیب مقصود نے لکھا کہ سندھ پولیس نے ہم سے 8 ہزار روپے رشوت لی، ’یہ تعارف بھی کرایا کہ ہم بین الاقوامی کرکٹر ہیں مگر پھر بھی نہیں چھوڑا گیا‘۔
بعد ازاں کرکٹر نے نجی ٹی وی سے گفتگو کرتے ہوئے بتایا کہ یہ واقعہ سکرنڈ میں پیش آیا۔
کرکٹر عامر یامین نے صہیب مقصود کے بیان کو پاکستان پیپلز پارٹی کے چیئرمین بلاول بھٹو زرداری، سابق وزیر اعلیٰ سندھ مراد علی شاہ اور سندھ پولیس کے سوشل میڈیا پر موجود آفیشل اکاؤنٹ کو ٹیگ کیا۔
We are so lucky that we live In Punjab not in Sindh first time in my life I am travelling from Karachi to Multan by Road and sindh police is so corrupt that they stop you after 50 km and ask for money them @SindhPoliceDMC @BBhuttoZardari @faizanlakhani @MuradAliShahPPP
— Amir Yamin (@amiryamin54) November 27, 2023
صہیب مقصود اور عامر یامین کی جانب سے معاملے کو سامنے لانے پر آئی جی سندھ رفعت راجا نے فوری تحقیقات کا حکم دیا۔
انسپکٹر جنرل پولیس کی ہدایت پر پولیس نے فوری کارروائی عمل میں لائی، اور اب ڈی آئی جی شہید بینظیرآباد پرویز چانڈیو نے بتایا ہے کہ واقعہ میں ملوث 4 پولیس اہلکاروں کو گرفتار کر کے ان کے خلاف کارروائی کا آغاز کر دیا گیا ہے۔
انہوں نے مزید کہاکہ تھانہ سکرنڈ کے ایس ایچ او اور بڑے منشی کو لاپروائی پر معطل کر دیا گیا ہے۔
