’جہاز میں آبشار‘: ایئر انڈیا کی فلائٹ میں بارش، صارفین کی تنقید

انڈیا جو اس وقت تیزی سے ترقی کی منازل طے کر رہا ہے اور چاند پر بھی پہنچ چکا ہے، اپنے ملک میں مسائل کی وجہ سے ہمیشہ تنقید کی زد میں رہتا ہے۔

حال ہی میں انڈیا کی ایئر لائن کی ایک ویڈیو وائرل ہو رہی ہے جس میں دیکھا جا سکتا ہے کہ فلائیٹ میں اچانک پانی ٹپکنا شروع ہو جاتا ہے جس کو ایئر ہوسٹس کپڑے کی مدد سے روکنے کی کوشش کرتی نظر آتی۔ فلائٹ میں پانی ٹپکنے کی وجہ سے ایئر انڈیا کی مینجمنٹ پر سوالات اٹھ رہے ہیں کہ جہاز میں پانی کی لیکج کیسے شروع ہو گئی؟

کہیں صارفین ایئر انڈیا کے بائیکاٹ کا مطالبہ کر رہے ہیں تو کہیں انڈیا کا مذاق اڑایا جا رہا ہے۔

نوید احمد لکھتے ہیں کہ انڈیا چاند پر پہنچ گیا لیکن اپنے مسافر طیاروں کی چھتوں سے ٹپکنے والے پانی کی روک تھام کے لیے انہیں فرصت نہیں ملی۔

چاند پر پہنچ گئے پر اپنے مسافر طیاروں کی چتھوں سے ٹپکنے والے پانی کی روک تھام کے لیے فرست نہیں ملی، یہ ہے ایئر انڈیا https://t.co/fzNM6fjoIf

— Naveed Ahmed (@latestupdate7) November 29, 2023

سہیل نامی صارف نے مزاح کا سہارا لیتے ہوئے کہا کہ ایئر انڈیا نے ابھی نئی ہائی ٹیک خصوصیت کا انکشاف کیا ہے، پرواز میں آبشار، ہائیڈیریٹڈ رہیں ،اور اس سے متاثر ہوں۔

Air India just revealed its new high-tech feature: in-flight waterfalls! Stay hydrated, stay impressed. pic.twitter.com/W9UTlQ7t2b

— S O H A I L👓 ( سہیل ) (@Msohailsays) November 29, 2023