سینئر وکیل لطیف کھوسہ چیئرمین پی ٹی آئی سے متعلق اپنے بیان پر قائم ہیں کہ عمران خان انٹراپارٹی الیکشن میں حصہ لیں گے۔
اسلام آباد ہائیکورٹ کے باہر صحافی نے سینئر وکیل لطیف کھوسہ سے سوال کیا کہ آپ نے گزشتہ روز کہا تھا کہ عمران خان خود پی ٹی آئی کے چیئرمین شپ کے امیدوار ہوں گے لیکن علی ظفر نے تو کچھ اور اعلان کر دیا۔
لطیف کھوسہ نے جواب میں کہا کہ جو عمران خان نے کہا وہ انہوں نے آ کر بتایا۔
صحافی نے لطیف کھوسہ سے سوال کیا کہ بیرسٹر گوہر خان اور علی ظفر درست نہیں کہہ رہے؟ جس پر انہوں نے کہا کہ ’وہ درست کہہ رہے یا نہیں لیکن میں ٹھیک کہہ رہا ہوں۔‘
یاد رہے کہ گزشتہ روز لطیف کھوسہ نے بیان دیتے ہوئے کہا تھا کہ عمران خان انٹراپارٹی الیکشن میں حصہ لیں گے، جبکہ بیرسٹر علی ظفر نے کہا تھا کہ چیئرمین عمران خان 2 دسمبر کو پای ٹی آئی کے انٹراپارٹی الیکشن میں حصہ نہیں لیں گے ۔
بیرسٹر علی ظفر نے کہا تھا کہ عمران خان نے بیرسٹر گوہر خان کو پی ٹی آئی کا چیئرمین نامزد کیا ہے اور کہا ہے کہ وہ توشہ خانہ کیس کا فیصلہ آنے کے بعد دوبارہ پارٹی کےچیئرمین کا عہدہ سنبھالیں گے۔