نگراں وزیراعظم انوار الحق کاکڑ نے ’لوس اینڈ ڈیمیج‘ فنڈ کو فوری طور پر فعال کرنے کی ضرورت پر زور دیتے ہوئے کہا ہے کہ موسمیاتی تبدیلی کے مسائل سے نمٹنے کے لیے میرٹ پر فنڈز کے استعمال کو یقینی بنایا جائے۔
انہوں نے کہا کہ فنڈ کے استعمال کو ترقیاتی فنڈز اور کثیر الجہتی مالیاتی اداروں کے قرضوں سے نہیں جوڑا جانا چاہیے بلکہ فنڈنگ اضافی اور ٹھوس ہونی چاہیے۔
مزید پڑھیں
اقوام متحدہ کے فریم ورک کنونشن آن کلائمیٹ چینج (یو این ایف سی) سی او پی 28 کے موقع پر امریکی ٹیلی ویژن کے ساتھ ایک انٹرویو میں وزیر اعظم نے کہا کہ اس وقت پاکستان کی توجہ کوئلے پر مبنی پاور پلانٹس سے قابل تجدید توانائی کے منصوبوں پر مرکوز ہے تاکہ خطے اور اس سے باہر موسمیاتی تبدیلی کے اثرات کو کم سے کم کرنے میں کردار ادا کیا جاسکے۔
The United Kingdom pledges $75 million to Loss and Damage to ensure the delivery of meaningful support for the world’s most vulnerable.
We encourage leaders to raise ambition and unlock the crucial funding required to ensure a transformational COP28. #COP28 #ClimateAction pic.twitter.com/kiGqHBXkOv
— COP28 UAE (@COP28_UAE) November 30, 2023
انہوں نے مزید کہا کہ یہ وہ شعبہ ہے جس میں خلیج تعاون کونسل (جی سی سی) کے ممالک، متحدہ عرب امارات، سعودی عرب، کویت اور دیگر مستحکم معیشتوں والے مغربی ممالک کی دلچسپی حاصل کی جا سکتی ہے، لہٰذا کوپ کانفرنس ان سب اور ہم سب کے لیے ایک بہترین موقع ہے۔
انہوں نے کہا کہ آب و ہوا کی تبدیلی اب ڈھکی چھپی بات نہیں رہی ہے کیونکہ اس نے گزشتہ سال پاکستان کو بہت متاثر کیا۔
نگراں وزیر اعظم نے نشاندہی کی کہ موسمیاتی تباہی میں پاکستان کا کوئی بنیادی کردار نہیں ہے نا ہی پاکستان اس کا ذمہ ہے کیوں کہ پاکستان خود موسمیاتی تبدیلیوں سے متاثرہ ملک ہے جس کے باعث ملک کے 2 صوبوں سندھ اور بلوچستان کو تاریخی تباہی کا سامنا کرنا پڑا۔
🇦🇪 COP28, the biggest climate gathering of the year, is HERE.
🌍 During COP28, the world is set to unite, act together and deliver actionable solutions to the climate crisis.#COP28 #ClimateAction #UniteActDeliver https://t.co/SpgjvoCcJP
— COP28 UAE (@COP28_UAE) November 30, 2023
انہوں نے کہا کہ یہ ہر کوئی جانتا ہے کہ موسمیاتی تبدیلوں کے اضافے میں گزشتہ ایک صدی سے کون زیادہ حصہ ڈال رہا ہے۔ لہٰذا اس حوالے سے کسی ایک ملک یا معیشتوں کے بارے میں فیصلہ دینے کے بجائے ایماندارانہ بات چیت کی جانے چاہیے۔
Japan pledges $10 million to Loss and Damage to ensure the delivery of meaningful support for the world’s most vulnerable.
We encourage leaders to raise ambition and unlock the crucial funding required to ensure a transformational COP28. #COP28 #ClimateAction pic.twitter.com/wyTHJrWEsC
— COP28 UAE (@COP28_UAE) November 30, 2023
انوار الحق کاکڑ نے کہا کہ موسمیاتی تبدیلیوں کو کنٹرول کرنے میں اگر دولت مند ممالک خود ذمہ داری کا مظاہرہ کر یں گے تو یہ ایک انتہائی خوش آئند بات ہو گی۔
Together at COP28, we unite around clear ambition with practical solutions. #COP28 #UniteActDeliver pic.twitter.com/Ui6MDnTnYv
— COP28 UAE (@COP28_UAE) November 30, 2023
یہ پوچھے جانے پر کہ کیا اس فنڈ کو اقوام متحدہ کے فریم ورک کے ذریعے فعال کیا جانا چاہیے؟، وزیر اعظم نے کہاکہ ’اگر ہم اقوام متحدہ کے فریم ورک کا انتظار کرتے ہیں تو اس میں سالوں لگیں گے۔ لہٰذا ابتدائی طور پر اسے عالمی بینک اور دیگر کثیر الجہتی اداروں کے تحت چلایا جانا چاہیے۔