کینیڈا میں فلم سازوں نے ایک جھیل کی تہہ میں 128 سال پرانے بحری جہاز کا ملبہ دریافت کیا ہے۔
غیرملکی میڈیا رپورٹ کے مطابق فلم سازوں کو جہاز کا ملبہ اونٹاریو، کینیڈا میں واقع ہورون جھیل میں 85 میٹرز (280 فٹ) گہرائی میں ملا۔
خیال کیا جا رہا ہے کہ اس جہاز کا نام ’افریقہ‘ ہے جو 4 اکتوبر 1985 کو امریکا سے کوئلہ لیکر کینیڈا کے لیے روانہ ہوا تھا لیکن راستے میں ہورون جھیل میں ڈوب گیا۔
فلم ساز اس جھیل کی تہہ میں غیر معمولی طور پر رونما ہونے والی تبدیلیوں پر تحقیق کے لیے گئے۔ وہ دوسرے خطوں سے جہازوں کے ذریعے منتقل ہونے والے سیپ تلاش کررہے تھے جب انہوں نے اس جھیل کی تہہ میں یہ جہاز دریافت کیا، اس کی دیواروں پر ہر جانب سیپ چمٹے ہوئے تھے۔