سابق وزیر خارجہ اور پاکستان پیپلز پارٹی کے چیئرمین بلاول بھٹو زرداری جن کی انتخابی مہم کا آغاز ہو چکا ہے اور آج کل وہ ملک کے مختلف شہروں کے دروں پر ہیں اپنے بیانات کی وجہ سے خبروں کی زینت بنے رہتے ہیں ان کی کوئٹہ میں پریس کانفرنس کی ایک ویڈیو بھی سوشل میڈیا پر گردش کر رہی ہے۔
پریس کانفرنس کے دوران بات کرنے پر بلاول بھٹو کو’جنید شٹ اپ‘ کہتے سنا جا سکتا ہے جس پر صارفین کی جانب سے انہیں تنقید کا نشانہ بنایا جا رہا ہے۔
ایک صارف نے ویڈیو شیئر کرتے ہوئے لکھا کہ بلاول بھٹو دوران پریس کانفرنس اپنے کارکن کو شٹ اپ کہہ رہے ہیں اور یہ چاہتے ہیں کہ اگلا وزیراعظم انہیں بنا دیا جائے۔
یہ صاحب کہتے ہیں انہیں وزیراعظم بنادیں pic.twitter.com/uoN9yQmjst
— Pervaiz Sandhila (@chsandhilaa) December 2, 2023
کسی نے سوال کیا کہ یہ جنید کون ہیں تو کوئی ان کے انداز پر اعتراض کرتا نظر آیا کہ بلاول کو ایسی زبان استعمال نہیں کرنی چاہیے۔
واضح رہے رواں ماہ 16 نومبر کو ایبٹ آباد میں جلسہِ عام سے خطاب کرتے ہوئے بلاول بھٹو نے کہا تھا کہ ’کسی کو دوسری یا چوتھی بار وزیر اعظم بنانے سے بہتر ہے کہ انھیں موقع دیا جائے‘۔
21 نومبر کو چترال میں خطاب کرتے ہوئے بلاول بھٹو نے کہا کہ ’پرانے سیاستدانوں کو گھر بٹھانا پڑے گا، کیا ہم قوم کا مستقبل ایسے سیاستدانوں کے سپرد کر سکتے ہیں جو صرف اپنے بارے میں سوچتے ہیں۔ اب وقت آ گیا ہے کہ پرانے سیاستدان آرام کریں
