بھارت کے نجی ٹی وی چینل کے مقبول کرائم شو ’سی آئی ڈی‘ میں انسپیکٹر فریڈرکس کے کردار سے شہرت حاصل کرنے والے ادکار دنیش فڈنیس دل کا دورہ پڑنے کے بعد وینٹی لیٹر پر زندگی اور موت کی جنگ لڑ رہے ہیں۔
بھارتی میڈیا رپورٹس کے مطابق 57 سالہ دنیش فڈنیس کو اچانک دل کا دورہ پڑا جس کے بعد انہیں ممبئی کے بڑے نجی اسپتال منتقل کیا گیا ہے۔جہاں اب وہ وینٹی لیٹر پر ہیں اور موت سے زندگی لہ جنگ لڑ رہے ہیں۔ جمعہ کی شب اداکار کی حالت نازک تھی لیکن اب اُن کی حالت پہلے سے بہتر بتائی جا رہی ہے۔
سی آئی ڈی کی کاسٹ اور عملے کو دنیش کی صحت کے بارے میں آگاہ کردیا گیا ہے جس کے بعد اُن کے ساتھی اداکاروں نے اسپتال پہنچ کر اداکار کی عیادت کی۔ انسٹاگرام پر پوسٹ وائرل ہوتے ہی مداحوں کی جانب سے دنیش فڈنیس کی جلد صحتیابی کے لیے دعائیہ پیغامات کاسلسلہ جاری ہے۔
مزید پڑھیں
واضح رہے کہ دنیش فڈنیس گزشتہ 20 برس سے کرائم شو ’سی آئی ڈی‘ میں اپنی فنکارانہ صلاحتوں کا مظاہرہ کر رہے ہیں۔ جرائم کی کہانیوں پر مبنی یہ ڈرامہ 1998 کے بعد سے ہندوستان میں سب سے طویل عرصے تک جاری رہنے والا ٹیلی ویژن شو ہے جو سونی ٹی وی پر نشر ہو رہا ہے۔ یہی نہیں دنیش فڈنیس کامیڈی سیریل ’طارق مہتا کا الٹا چشمہ‘ میں بھی مختصر کردار ادا کر چکے ہیں۔
