پاکستان تحریک انصاف کی رہنما ڈاکٹر یاسمین راشد نے جیل سے الیکشن لڑنے کے لیے حکمت عملی تیار کر لی ہے جس کے لیے انہوں نے سیکریٹری لیگل افیئرز تحریک انصاف رانا مدثر کو ذمہ داریاں سونپ دی ہیں۔
مزید پڑھیں
یاسمین راشد کے سیکرٹری لیگل افیئرز رانا مدثر نے بتایا ہے کہ یاسمین راشد نے اپنے خلاف تمام مقدمات کا ریکارڈ اکٹھا کرنے کی ہدایت کی ہے۔ مقدمات کا ریکارڈ آئندہ انتخابات میں کاغذات نامزدگی جمع کرانے کے لیے اکٹھا کیا جا رہا ہے۔
رانا مدثر کہا کہنا ہے کہ تمام ٹیکس ریٹرنز اور متعلقہ دستاویزات اکٹھی کی جا رہی ہیں۔ انتخابی شیڈول کا اعلان ہوتے ہی یاسمین راشد کے کاغذات نامزدگی حاصل کر لیے جائیں گے۔
رانا مدثر کا مزید کہنا تھا کہ جن حلقوں سے نواز شریف اور شہباز شریف کاغذات نامزدگی کروائیں گے وہاں سے یاسمین راشد کے کاغذات نامزدگی جمع کرائے جائیں گے۔ یاسمین راشد کے آبائی حلقے سے بھی ان کے کاغذات نامزدگی جمع کرائے جائیں گے۔ یاسمین راشد کی ضمانت نہ ہوئی تو جیل کے اندر سے الیکشن میں حصہ لیں گی۔
