پاکستان ویمنز ٹیم نے دوسرے ٹی20 میں نیوزی لینڈ ویمنز کو شکست دے کر فیصلہ کُن برتری حاصل کر لی ہے۔
پاکستان ویمنز ٹیم نے ڈونیڈن میں کھیلے گئے دوسرے ٹی20 میچ میں بھی میزبان نیوزی لینڈ کو رنز10سے ہرایا جس کے بعد پاکستانی ویمینز نے تاریخ میں پہلی مرتبہ نیوزی لینڈ کو سیریز میں شکست دی ہے، اس سے پہلے دونوں ٹیموں کے مابین کھیلے گئے 10 میچز میں سے 09 میچز نیوزی لینڈ ویمنزنے جیت رکھے تھے۔
نیوزی لینڈ کے شہر ڈونیڈن میں کھیلے گئے ٹی20 سیریز کے دوسرے میچ میں پاکستان ویمنز نے پہلے بیٹنگ کرتے ہوئے 6 وکٹوں کے نقصان پر 137 رنز بنائے جس کے جواب میں کیوی ویمنز مقررہ 20 اوور میں 7 وکٹوں کے نقصان کے ساتھ 127 رنز بنا سکی۔
That sweet series win feeling 👍🤗#NZWvPAKW | #BackOurGirls pic.twitter.com/cs6rKRrjNy
— Pakistan Cricket (@TheRealPCB) December 5, 2023
پاکستانی ویمنز کی طرف سے منیبہ علی 35، عالیہ ریاض 32 جبکہ بسما معروف 21 رنز بنا کر نمایاں رہیں۔ نیوزی لینڈ ویمنز کی جانب سے فرین جونس اور مولی پین فولڈ نے 2،2وکٹیں حاصل کیں۔
نیوزی لینڈ ویمنز کی جانب سے ہنا رووی نے سب سے زیادہ 33 رنز اسکور کیے۔ پاکستانی ویمنز کی جانب سے فاطمہ ثنا نے 3 جبکہ سعدیہ اقبال نے 2 وکٹیں حاصل کیں۔
عالیہ ریاض کو پلیئر آف دا میچ کا اعزاز دیا گیا۔
A vital innings of 32* from 22 balls 🏏@aliya_riaz37 is the player of the match in the second T20I 🌟#NZWvPAKW | #BackOurGirls pic.twitter.com/D9aUzWDjhv
— Pakistan Cricket (@TheRealPCB) December 5, 2023
دونوں ٹیموں کے مابین ٹی20 سیریز کا تیسرا میچ ہفتے کو کھیلا جائے گا۔ پاکستانی ویمنز کو سیریز میں 0-2 کی فیصلہ کُن برتری حاصل ہے۔
