لاہور کی احتساب عدالت نے نگراں وزیراعظم کے مشیر احد چیمہ کی بریت سے متعلق درخواست پر محفوظ فیصلہ سناتے ہوئے انہیں آمدن سے زائد اثاثوں کے ریفرنس سے بری کر دیا ہے۔
لاہور کی احتساب عدالت کے جج ملک علی ذوالقرنین نے محفوظ فیصلہ سنایا، نیب نے احد چیمہ کے خلاف آمدن سے زائد اثاثے بنانے کا ریفرنس دائر کیاتھا، نیب نے ری انوسٹی گیشن میں احد چیمہ کے اثاثے انکی آمدن کے مطابق قرار دیے تھے۔
بریت کے فیصلے کے بعد لاہور ہائیکورٹ مین میڈیا سے گفتگو کرتےہوئے احد چیمہ کا کہنا تھا کہ انصاف ملا چاہیے دو تین سال بعد ملا بڑی خوشی کا دن ہے، وہ بریت پر اللہ کا شکر ادا کرتے ہیں، جب یہ سب ہو رہا تھا تو سول سیکرٹریٹ کے افسران نے ان پر پھر پور اعتماد کیا۔
’ان سب ساتھ دینے والوں کا شکریہ ادا کرتا ہوں، چیئرمین نیب کی بات خوش آئند ہے جہاں غلطی ہو اس کو تسلیم کیا جائے، ادارے کے سربراہ کا کام ہے غلطی کو درست کیا جائے یہی ادارے کا کام ہے۔‘