پاکستان اسٹاک ایکسچینج اپنی ریکارڈ ساز کارکردگی کا تسلسل برقرار رکھے ہوئے ہے، جہاں آج 100انڈیکس 65 ہزار پوائنٹس کی نفسیاتی حد عبور کرنے کے بعد 66 ہزار 155 پوائنٹس پر پہنچ گیا ہے جو اسٹاک کی کاروباری تاریخ کی بلند ترین سطح ہے۔
پاکستان اسٹاک ایکسچینج میں 100 انڈیکس 1436 پوائنٹس کے اضافے کے بعد 66 ہزارسے زائد پوائنٹس پر ٹریڈ کرتا ریکارڈ کیا گیا ہے، 100 انڈیکس 66ہزار 155 پوائنٹس پر پہنچ گیا ہے۔
دوسری جانب انٹربینک مارکیٹ میں ڈالر کی قدر 38پیسے کی کمی سے 283روپے 73پیسے کی سطح پر آگئی ہے۔
یہاں یہ بات بھی قابل ذکر ہے کہ پاکستان اسٹاک ایکسچینج میں نگراں وزیراعظم انوار الحق کاکڑ نے آج پہلے سکوک بانڈز کی نیلامی کا بھی آغاز کر دیا گیا ہے۔